Library
Profile
ଡାକେ ଜନ୍ମମାଟି
ଡାକେ ଜନ୍ମମାଟି
ଡାକେ ଜନ୍ମମାଟି ବୁକୁ ଯାଏ ଫାଟି
ବହୁଦୂରେ ବନ୍ଧୁ ବହୁଦୂରେ l
ନିର୍ଭୀକ ସୁଭାଷ ଦେଉଛି ମୁଁ ଡାକ
ସୁଦୂର ବର୍ଲ୍ଲିନ ଜର୍ମାନୀରେ ll
ଶତ୍ରୁର ଶତ୍ରୁ ମଣେ ମୁହିଁ ମିତ୍ର ହାତ
ମିଳାଇଛି ହିଟଲରେ l
ଅନ୍ତଃ ହୋଇଲା, ଅନ୍ତଃ ହୋଇଲା
ଫିରିଙ୍ଗିଶାସନ ଭାରତରେ ll
ଆଜାଦ ହିନ୍ଦ୍ ଫୋଉଜ ତୈୟାର
ସୁଦୂର ଟୋକିଓ ରେଙ୍ଗୁନରେ l
ମାଡ଼ିଚାଲ ମାଡ଼ିଚାଲ ଆରେ ବୀର
ଭାରତକୁ ନେବା ଦଖଲରେ ll
ଇନକିଲାବ୍ ! ଇନକିଲାବ ! ଦିଲ୍ଲୀ
ଚଲୋ ଦିଲ୍ଲୀ
ଚଲୋରେ l
ଜୟହିନ୍ଦ୍ ! ଜୟ ହିନ୍ଦ୍ ! ଜୟ ହିନ୍ଦ୍ !
ଜୟ ଜୟହିନ୍ଦ୍ ବୋଲରେ ll
ରକ୍ତ ଦିଅ ମୋତେ ରକ୍ତ ଦିଅ ଆଜି
ଝଣ୍ଡା ଉଡ଼ୁଛି ଇମ୍ଫାଲରେ l
ଜୟ ମୋ ଭାରତ ଜୟ ମୋ ଭାରତ
ଜୟ ଭାରତର ଲାଲରେ ll
ଘନଘନ ଘନ ଗର୍ଜେ କମାଣ ସୁଭାଷ
ଆଗେଇ ଚାଲେରେ l
ଆଉ ରହିବାନି, ଭାରତ ଭୁଇଁରେ
ଥରିଲା ଶାସନ ଢାଲରେ ll
ଧନ୍ୟ ଧନ୍ୟ ଧନ୍ୟ ନେତାଜୀ ସୁଭାଷ
ଧନ୍ୟ ନେତାଙ୍କର ନେତାରେ l
କୋଟିଏ ପ୍ରଣାମ ନେତାଜୀ ସୁଭାଷ
କାନ୍ଦଇ ଭାରତ ମାତାରେ ll
