ସତ କଥା କହିବୁକି କଳାଠାକୁର

ସତ କଥା କହିବୁକି କଳାଠାକୁର

ଛଳିଆରେ ମୋ ଠାରେ ତୁ ଛଳ ନକର

ତୋ ବଡଦାଣ୍ଡରେ ଥରେ ଠିଆ ହୋଇଗଲେ

ଭୋକ ଶୋଷ ବାଧା ବିଘ୍ନ କାହିଁ ଯାଏ ଦୂରେ 

ଭୁଲି ଯାଏ କିମ୍ପା ମୋର ଘରସଂସାର 

ସତ କଥା କହିବୁକି କଳାଠାକୁର  ।

ଭାବେ ଯଦି ତୋ ସେବକ ହୋଇଥାନ୍ତି ମୁହିଁ 

କେତେ ସୁଖ ପାଉଥାନ୍ତି ନିତି ତୋତେ ଛୁଇଁ 

ପିନ୍ଧାଇ ଦିଅନ୍ତି ନିତି କୁସୁମ ହାର

ଆର ଜନ୍ମେ କରିବୁରେ ସେବକ ତୋର  ।

ତୋ ମହାପ୍ରସାଦ ଖାଇ ଯାଆନ୍ତା ଦିନ 

ତୋ ସେବା କରି ନିଜକୁ ମଣନ୍ତି ଧନ୍ୟ 

ଶ୍ରୀମନ୍ଦିର ବେଢା ଘର ହୁଅନ୍ତା ମୋର 

ସତ କଥା କହିବୁକି କଳାଠାକୁର  ।

କି କୁହୁକ ଡୋରି ଧରୁ କାଳିଆରେ ତୁହି 

ତୋତେ ଛାଡି ଆସିବାକୁ ମନ ବଳେ ନାହିଁ 

ନାଚେ ମୋ ଆଗିରେ ସଦା ବଦନ ତୋର 

ସତ କଥା କହିବୁକି କଳାଠାକୁର  ।