ଦୁର୍ଗା ଆବାହନୀ
ଦୁର୍ଗା ଆବାହନୀ
ଜୟ ଜୟ ମାଆ ଦୁର୍ଗା ଦୁର୍ଗତି ନାଶିନୀ l
ଶରତେ ମରତ ଗାଏ ତବ ଆବାହନୀ ll
ଶେଫାଳୀ ପଡ଼ଇ ଝଡ଼ି ପ୍ରଭାତରୁ ଫୁଟି l
କୁମୁଦକମଳ ଶୋଭା ସରୋବର ଅତି ll
ଧବଳ ଚାମର ଶୋଭା କାଶଫୁଲ ଫୁଟି l
ନିର୍ମଳ ଜୋଛନା ତବ ଆଭା ପରକଟି ll
ସୁନ୍ଦର ତବ ଧରାରେ ବାନ୍ଧିଲେଣି ବସା l
କେତେ ଚଣ୍ଡମୁଣ୍ଡ ଶୁମ୍ଭ ନିଶୁମ୍ଭ ମହିଷା ll
ଆସ ମାଆ ଦଶଭୁଜେ ଧରି ତୀରିଶୂଳ l
ମହିଷା କୂଳକୁ ମାତେ କର ନିରିମୂଳ ll
ଦାନବ ସାଜିଅଛନ୍ତି ତୋ ସୃଷ୍ଟ ମାନବ l
ଖଚ ମିଛ କଦାଚାର ଦେଖାବନ୍ତି ଦମ୍ଭ ll
ଆସ ମାତ ଦୟାବହି ସତ୍ୟସନାତନୀ l
ଅମ୍ବିକାଗୋଉରୀ ମାତ ପର୍ବତନନ୍ଦିନୀ ll
ଦୁର୍ଗତିକାଳରେ ମାଆ ତୁହି ଏକା ସାହା l
କରୁଣାମୟୀଙ୍କବିନା କେ କରିବ ଆହା ll
ଆସ ଆସ ମାଆ ଅବତରି ଧରା ଧାମେ l
ରହିଅଛୁ ପଥ ଚାହିଁ ସୂତ ତୋ ଅଧମେ ll