ଦୁଇ ଦିନ ବାଇମନ

ଜୀବନଟା ଏକ ରଙ୍ଗମଞ୍ଚ ସେତ

    ଆମେ ସବୁ କଳାକାର,

କେତେବେଳେ ହସ କେତେବେଳେ କାନ୍ଦ

    ଉତ୍ଥାନ ପତନ ସମ୍ଭାର।

ସଭିଏଁ ଆସିଛେ ଏ ଧରାପୃଷ୍ଠକୁ

    କରିବାକୁ କାମ ମାନ,

ଭଲ କାମ କରି ଚିରଦିନ ପାଇଁ

    ଜିଣିବା ସଭିଙ୍କ ମନ।

କାମ, କ୍ରୋଧ, ଇର୍ଷା, ମୋହ ଆଉ ମାୟା

      ଏ ଗୁଣକୁ କରି ତ୍ୟାଗ,

ଶାନ୍ତି, ମଇତ୍ରି, ପ୍ରିତୀ ସହିଷ୍ଣୁତାକୁ

      ଆପଣେଇ ନେବା ଆଗ।

କେତେ ଦିନ ଅବା ଜୀବନ ଅବଧି

    ଏ ସବୁ ନ କରି ଚିନ୍ତା,

ମହତ କାର୍ଯ୍ୟରେ ମନଯୋଗ ଦେଇ

    ହୋଇବା ଜଗତ ଜିତା।

ମଣିଷ ଜନମ ନୁହେଁ ଯୁଗ ଯୁଗ

    ଦୁଇ ଦିନ ବାଇମନ

ସୃଷ୍ଟି ଆଉ ବିନାଶର ଏଇ ଖେଳ

    ମାୟା, ମୋହ ଧନ ଜନ

ସତମାର୍ଗରେ ସତକର୍ମ କରି

    ଜୀବନଟା ଗଲେ ସରି,

ମରିଗଲା ପରେ ସଭିଏଁ କହିବେ

    ଭଲ ଲୋକ ଗଲା ତରି।

(ଦିନ-୨ ଜୀବନ କବିତା)