ଦୁଃଖକିଛି ବର୍ଷିବାର ଥିଲା

କିଛି ବାକିଅଛି ସାରିବାକୁ

କିଛି ମାୟା କାଟିଦେବାକୁ ହେବ 

କିଛି ବନ୍ଧନର ଡୋରୀ 

ଛିଡେଇ ଦେବାକୁ ହେବ I

ସଂସାରକୁ ମୋ ସହିତ କିଏ ଆସିଥିଲା କି?

ଖାଲି ଯାହା ମାୟାରେ ସମସ୍ତେ

ଘାରି ହେଉଛେ ସିନା,

ଜୀବନର ଚରମ ସତ୍ୟକୁ

ଭୁଲିଗଲେ କେମିତି ଚଳିବ କହିଲ ? 

ସୁଖ ଟିକେ ଖୋଜୁଥିଲି ବୋଲି ସିନା

ମୁଁ ଦୁଃଖୀ ପାଲଟିଗଲି,

ଏବେ ଦୁଃଖ ପରା 

ମୋର ଅତି ଆପଣାର,

ମୋ ଦୁଃଖକୁ ଦେଖି

ସୁଖ ଇର୍ଷା କରୁଛି ବୋଧହୁଏ,

ଆଖିର ଲୁହ ପରା ମୋ ନିଜର

ଆଉ ଓଠରେ ମୋର 

ହସ ଖୋଜୁଛ କାହିଁକି?

ଖୁସିରେ ରହିବାକୁ କିଏ ନଚାହେଁ ଯେ,

ସୁଖ ଖୋଜୁ ଖୋଜୁ ଦୁଃଖ ଯଦି

ଆପଣେଇ ନେଲା

ଦୁଃଖ କରୁଛ କାହିଁକି ?

ଖେଳ ବେଳେ ବେଳେ 

କାଳ ପାଲଟିଯାଏ ବୋଲି ଆଜି ଜାଣିଲ ତ I