Library
ଦୁଃଖ ଯେବେ ଆସିଯାଏ
ଦୁଃଖ ଯେବେ ଆସିଯାଏ
ଦୁଃଖ ଆସିଯାଏ ଯେବେ
ଲୁହ ଝରି ଯାଏ
ସେଇ ଲୁହ ଲହୁ ହେଇ
ଓଠ ଛୁଇଁ ଯାଏ ।
ଦୁନିଆର ସବୁ ସୁଖ
ଲାଗେ ଫିକା ଫିକା
ଜୀବନର ସବୁ ଖୁସି
ପଡିଯାଏ ବନ୍ଧା ।
ନା ଭଲ ଲାଗେ କିଛି
ନା ହେଇ ହୁଏ ବଞ୍ଚି
ବଞ୍ଚିବା ମରିବା ସବୁ
ଏକା ହେଇଯାଏ ।
ମନ ଆକାଶରେ କଳା
ମେଘ ଆସେ ଘୋଟି
ଜୀବନର ସୁଖ ଶାନ୍ତି
ସବୁ ନିଏ ଲୋଟି ।
ଅଶୁମାରୀ ଆଶା ସବୁ
ସ୍ଵପ୍ନ ହେଇଯାଏ
ମରୀଚିକା ପଥେ ବାଟ
ଚାଲିବାକୁ ହୁଏ ।
ଯେଉଁ ପଥେ ଜଳ ଥାଏ
ନା ଶୋଷ ମେଣ୍ଟି ହୁଏ
ଜୀବନ କୁହୁଡି ମାୟା
ଜାଲେ ଛନ୍ଦି ହୁଏ ।
ଜୀବନରଟା ଭରି ଯାଏ
ଯନ୍ତ୍ରଣାର ନଈ
ନା କିଛି କହି ହୁଏ
ନା ହୁଏ ସହି ।
ପାଦ ତଳେ ବିଛା ହେଇ
ଯାଏ କାଚ କଣ୍ଟା
ଭଲ ଭିତରେ ତ ଏଠି
ବେଶୀ ଥାଏ ଧୋକା ।
ଯେଉଁ ଧୋକା ଦେଖି ହୁଏ
ନା ତାକୁ ପଢି ହୁଏ
ଜଳି ଜଳି ବଞ୍ଚିବାଟା
ସାରା ହେଇଥାଏ ।
ଭାଗ୍ଯର ଆକାଶେ ଘୋଟେ
ଦୁଃଖର ପାହାଡ
ଜୀବନରେ ମାଡି ଆସେ
ତୋଫାନର ଝଡ ।
ଜାଳି ଦିଏ ସବୁ କିଛି
ଭାଙ୍ଗି ଦିଏ ନୀଡ
ଜୀବନ ପାଲଟି ଯାଏ
ମରୁ ବାଲି ଝଡ ।
ଚାଲେ ସିଏ ପାଦ ରଖି
ନା ଥାଏ କିଏ ସାଥି
ମରିବାକୁ ଚାହିଁଲେବି
ନ ମରି ପାରି ଥାଏ ।
