ଦଶହରା
ଦଶହରା
ଦଶହରାରେ ଦଶଭୁଜା
ପାଆନ୍ତି ପୂଜା ସେହି
ସବୁରି ମନେ ହସ ଉଲ୍ଲାସ
ଭରି ରହିଛି ଭାଇ ।
କାଶତଣ୍ଡୀର ଫୁଲ ଫୁଟଇ
ଦିଶଇ ବାଟ ଘାଟ
ଶରତ ଋତୁ ଆଶ୍ୱିନ ମାସେ
ମାଆ ହୁଅନ୍ତି ପ୍ରଘଟ ।
ଗାଁରେ ତଥା ସହରରେ ପରା
ହୁଅଇ ପୂଜା ଭାଇ
ପଲ୍ଲୀ ଠୁ ଦିଲ୍ଲୀ ହୁଅଇ ଭିଡ
ମନକୁ ନିଏ ମୋହି ।
ଯେତେବେଳେ ଏ ଧରାପୃଷ୍ଠରେ
ଅଧର୍ମ ଜାତ ହୁଏ
ମା' ଦୁର୍ଗାଙ୍କ ଆବିର୍ଭାବରେ
ପାପ ବିନାଶ ହୁଏ ।
ଦୁର୍ଗାପୂଜାରେ ଦେବୀପାଖକୁ
ଭକତ ଭୋଗ ନେଇ
ନିଜର ଦୁଃଖ ଶୋକ ଜଣାନ୍ତି
ଉକ୍ତ ପ୍ରଣତି ହୋଇ ।
ଦୁର୍ଗାମେଢ଼ର ପାଖରେ ଶଖୀ
ଶିବପାର୍ବତୀ ମୂର୍ତ୍ତୀ
ମହିଷାସୁର ବଧ ମୂରତୀ
ଜଣାଏ ଦୁର୍ଗା ଶକ୍ତି ।
ମହିଷାସୁର ପାଖେ ବିଫଳ
ହେଲେ ଦେବତାଗଣ
ସେବେ ପ୍ରକଟ ଜଗତ୍ ଜନନୀ
ନାଶିଲେ ଦୈତ୍ୟ ପ୍ରାଣ ।
ସବୁ ସହନ୍ତି ଠାକୁରେ ଏଠି
ଗର୍ବକୁ ସହନ୍ତିନି
ଦଶହରାରେ ଦୁର୍ଗାଙ୍କୁ ପୂଜ
ସେ ପାପ ବିନାଶିନୀ ।