ଦଶାବତାର
ଦଶାବତାର
ଆହେ ଭଗବାନ ବିଷ୍ଣୁ ଦେବାୟ
ଜଗତ ଉଦ୍ଧାର ପାଇଁ
ଦଶ ଅବତାରେ ଅବତରିଲ ପ୍ରଭୁ
ପାପୀଙ୍କ ବିନାଶ ପାଇଁ ll 0 ll
ଧରିତ୍ରୀ ଯେବେ ବୁଡି ଯାଉଥିଲା
ଅଥଳ ସାଗର ଜଳେ
ମତ୍ସ୍ୟ ଅବତାରେ ଅବତରି ପ୍ରଭୁ
ଲଗେଇଦେଲ କୁଳେ ll 1 ll
l ଜୟ ଜଗଦିଶ ହରେ l
ଦଧି ସାଗରରେ ମନ୍ଥନ ବେଳେ
ଅମୃତ ପାଇବା ପାଇଁ
ଡୁବି ଯାଉଥିଲା ମନ୍ଦିରା ପର୍ବତ
ରଖିଲ କଛପ ହେଇ ll 2 ll
l ଜୟ ଜଗଦୀଶ ହରେ l
ଦୁଷ୍ଟ ହୀରନ୍ୟାଷ ବସୁଧା ମାଆକୁ
ନେଇଯାଉଥିଲା ପାତାଳ ପୁର
ବରାହ ରୂପରେ ନିଧନ କରିଣ
ବସୁଧା ମାଆକୁ କଲ ଉଦ୍ଧାର ll 3 ll
l ଜୟ ଜଗଦୀଶ ହରେ l
ହିରଣ୍ୟକଶିପୁ ଯେ ଦୁଷ୍ଟ ଦାନଵ
ଯାତନା ଦେଲା ତୋ ଭକ୍ତ ଉପରେ
ନୃସିଂହ ରୂପରେ ଖମ୍ବରୁ ବାହାରି
ବିଦାରିଦେଲ ନିଜ କୋଳରେ ll 4 ll
l ଜୟ ଜଗଦୀଶ ହରେ l
ବଳି ରାଜା ନିଜ ପରାକ୍ରମ ବଳେ
ଜିଣି ଗଲା ତିନି ପୁର
ବାମନ ବେଶରେ ଦାନମାଗି ତାକୁ
ଚାପିଦେଲେ ପାତାଳ ପୁରକୁ ll 5 ll
l ଜୟ ଜଗଦୀଶ ହରେ l
ପର୍ଶୁରାମ ବେଶେ ଧରିଣ ପ୍ରଭୁ ଯେ
ମାତୃହତ୍ୟା ପ୍ରତିଶୋଧ ନେଲ
ବ୍ରାହ୍ମଣ କୁଳ କୁ ରକ୍ଷା କରିଣ
କ୍ଷତ୍ରିୟ କୁଳ ନାଶ କଲ ll 6 ll
l ଜୟ ଜଗଦୀଶ ହରେ l
ରାମ ଅବତାରେ ରାବଣ ନାସିଲ
ସୀତାଙ୍କୁ ଉଦ୍ଧାର କଲ
ପିତୃ ଭକ୍ତିର ପରାକାଷ୍ଠା ଦେଖେଇ
ଅଯୋଧ୍ୟାକୁ ସୁଶାସନ ଦେଲ ll 7 ll
l ଜୟ ଜଗଦୀଶ ହରେ l
କୃଷ୍ଣ ଅବତାରୀ ଦେବକୀ ନନ୍ଦନ
ଗୋପିଙ୍କୁ ମୋହନ କଲ
ମହାଭାରତକୁ ନିର୍ଦ୍ଦେଶ କରିଣ
ପାପୀଙ୍କୁ ବିନାଶ କଲ ll 8 ll
l ଜୟ ଜଗଦୀଶ ହରେ l
ଶୋକ ସନ୍ତପ୍ତ ସଂସାର ପଙ୍କରୁ
ଉଦ୍ଧାର କରିବା ପାଇଁ
ଧର୍ମର ଶାନ୍ତିର ବାର୍ତ୍ତା ବହିଲ
ବୁଦ୍ଧ ଅବତାର ନେଇ ll 9 ll
l ଜୟ ଜଗଦୀଶ ହରେ l
କଳିଯୁଗରେ ଦୁର୍ଦ୍ଦଷ ପାଇଁ
କଳ୍କୀ ଅବତାର ନେଇ
ବାର ହାତେ ଖଣ୍ଡାରେ ପାପୀ ବିନାଶିବ
ଧର୍ମର ସ୍ଥାପନା ପାଇଁ ll 10 ll