ଲାଇବ୍ରେରୀ
ପ୍ରୋଫାଇଲ୍
ଦୋଷ ଦେବି ବା କାହାକୁ
ଦୋଷ ଦେବି ବା କାହାକୁ
1 min
202
ମୁଁ ଚାହେଁ ହେବାକୁ ରାମଚନ୍ଦ୍ର
ହେଲେ ଚାହେଁନି ବନ ଯିବାକୁ
ଭରତ ହେବାକୁ କରିଛି ଆଗ୍ରହ
ଦେବି ନାହିଁ ମୋ ରାଜ୍ୟକୁ।
ମୁଁ ଚାହେଁ ହେବାକୁ ଧର୍ମ ଯୁଧିଷ୍ଠିର
ନାହିଁ ଧାର୍ମିକ ହେବାକୁ
ଦାନୀ ହରିଶ୍ଚନ୍ଦ୍ର ବୋଲାଇଵା ଇଚ୍ଛା
ଚାହେଁନା ଦାନ ଦେବାକୁ ।
ପଣ୍ଡିତ ହେବାକୁ ମନ ବଳାଇଛି
ସ୍ପୃହା ନାହିଁ ପଢ଼ିବାକୁ
ଲେଖକ ହେବାକୁ ଭାରି ଇଚ୍ଛା ମୋର
ବେଳ ନାହିଁ ଲେଖିବାକୁ।
ଧନୀ ହେବା ପାଇଁ ଅଭିଳାଷ ଅଛି
ଛାଡିବିନି ଆଳସ୍ୟକୁ
ମାନୀ ହେବାକୁ ମୋ ବଳିଅଛି ମନ
ମାନିଵିନି ନିୟମକୁ।
ମନ ଭାବନାରେ ଇଚ୍ଛା ମୁଁ କରୁଛି
ତାଜମହଲ ଗଢ଼ିବାକୁ
ଗଢ଼ି ମୁଁ ପାରୁନି ଚାଳଘର ଖଣ୍ଡେ
ଦୋଷ ଦେବି ବା କାହାକୁ ?
