ଦୋଳି

ବନ ରେ ଡାକିଲା ଗଜ

ବରଷକେ ଥରେ ଆସଇ ରଜ

ଘରେ ଘରେ ସଜବାଜ

ସାବୁନ ବାସନା ତେଲ

ନଈ ତୁଠେ ସାଙ୍ଗ ସାଥି ଙ୍କ ମେଳ

ସରାଗ କଟଇ ବେଳ

ନୂଆ ଲୁଗା ପିନ୍ଧି ଶାଢ଼ୀ

ପଲମ ରୁ ପୋଡ଼ ପିଠା କୁ କାଢ଼ି

ସଭିଏଁ ଙ୍କୁ ଦେବା ବାଢି

ଗଛରେ ଝୁଲୁଛି ଦୋଳି

ଦେହ ଯାଙ୍କ କେତେ ଅତର ବୋଳି

ମହାକାଏ ଦୋଳି ଖେଳି

ଗାଁରେ ତାସ ପାଲି

ଛୁଆବୁଢା ସବୁ ଆସନ୍ତି ଚାଲି

ପାନ ଜାକି ପାଟି ନାଲି

ଆକାଶେ ଉଡ଼ଇ ଗୋଡି

ପଟ୍ଟା ଦୋଳି ବାହି ଯୋଡିକୁ ଯୋଡି

ଦୋଳି ଗୀତ ମାନ ପଢି

ପାକଲା ପଣସ ରସ

ମୁଣ୍ଡେ ରଙ୍ଗ ବୋଳି ଲୁଛେ ବଅସ

ବୁଢା ବି ରଚଇ ରାସ

ନଈରେ ବାଗୁଡ଼ି ଖେଳ

ହାରିଗଲେ ସେପାରି ଦଳ

ହୁଏ କସା କସି ବଳ

ୠଚୁନାହିଁ ଭାତ ଡାଲି

ଖାସି ଟିଏ ବନ୍ଧା ଗାଁରେ ଛାଳି

କୁଣିଆଁ ଭିତରେ ଶାଳୀ

ମହକି ଉଠୁଛି ବାଟ

ମଉକା ମିଳିଛି ପ୍ରେମର ଭେଟ

ରଜ ଲଗାଇଛି ନାଟ !