Library
ଦୋଳ ମେଳଣ
ଦୋଳ ମେଳଣ
1 min
199
ଘଣ୍ଟ ଘଣ୍ଟା ଶଙ୍ଖ ସଙ୍ଗତେ ମୃଦଙ୍ଗ
ଝାଞ୍ଜ ଖୋଳ କରତାଳି
ବିମାନରେ ବସି ଶ୍ରୀ ଜଗମୋହନ
ଆସୁଛନ୍ତି ଢଳି ଢଳି ।
ଗୋପ ଗୋପାଳଙ୍କ ଉଛୁଳେ ଆନନ୍ଦ
ହରିବୋଲ ହୁଳହୁଳି
ରଙ୍ଗ ଅବିରରେ ଦାଣ୍ଡ ପୋତି ହୁଏ
ଅଦୃଶ୍ୟ ହୁଅଇ ଧୂଳି ।
ଖଇ ଚୁଡ଼ା ମୁଆଁ ଚଣା ଶାକରକୁ
ନାନା ଫଳ ପୁଷ୍ପ ମାନ
ପ୍ରତି ଦ୍ୱାରେ ଥୁଆ ଧୂପ ଦିପାବଳୀ
କୁଣିଆ ମଧୁସୂଦନ ।
ଚାରିକାନ୍ଧ ଭରେ ବିଜେ ଦ୍ୱାରେ ଦ୍ୱାରେ
ମନୋରମ ଦୃଶ୍ୟ ଅତି
ଦୋଳମଣ୍ଡପରେ ଦେବଙ୍କ ମିଳନ
ଦରଶନେ ମିଳେ ମୁକ୍ତି ।
