ଲାଇବ୍ରେରୀ
ପ୍ରୋଫାଇଲ୍
ଦୋଳ ଗୋବିନ୍ଦ
ଦୋଳ ଗୋବିନ୍ଦ
1 min
709
ସରସ ସମୟ ଅତି ରସମୟ ହୋଇ ମହୀରେ ଉପଗତ
ଅନଙ୍ଗ ରଙ୍ଗରେ ଅଙ୍ଗ ଉଦ୍ୟାନରେ କାମ ପୁଷ୍ପ ହୋଇ ପୁଷ୍ପିତ
ଋତୁ ନୃପତି ଆଗମ ଜାଣି ପରଭୃତ
ଆବାହନ ଜପେ ବସନ୍ତ ପାଦପେ ପଞ୍ଚମରେ ଗାଇ ସଂଗୀତ l
ମୃଦୁମୃଦୁ ବାତ ହୋଇ ମିତ୍ରବତ ମଳୟାଚଳୁ ପ୍ରବାହିତ
ବନ ନଗ୍ରଦେଶେ ଋତୁରାଜ ବଶେ ସୁମନେ ସୁମନ ସଜ୍ଜିତ
ନର ନାଗରୀ ଅବିରେ ରତ ଅବିରତ
ଶିବିରେ ବିଜୟ ଶୁଭେ ଜୟଜୟ ଶ୍ରୀରାଧା ସଙ୍ଗେ ନନ୍ଦସୁତ ।
ଗୋପ ଗୋପାଳୁଣୀ ତରୁଣ ତରୁଣୀ ଦୋଳ ଉତ୍ସବରେ ଉନ୍ମତ
ଦୋଳରେ ଗୋବିନ୍ଦ ହୋଇଣ ଆନନ୍ଦ ରଙ୍ଗ ଖେଳି ରାଧା ସହିତ
ନେତ୍ର ପବିତ୍ର l ରାଧା ଶ୍ୟାମ ଲୀଳା ବିଚିତ୍ର
ଦରଶନେ ପ୍ରାଣ ହୋଇଯାଏ ଧନ୍ୟ କୋଟିଜନ୍ମ ପାପ ଖଣ୍ଡିତ।
ନଳୀକୋଷେ ଭରି କରି ପିଚିକାରୀ ରଙ୍ଗୋତ୍ସବ ହୋଇ ମୋହିତ
ସୁମନେ ଦୁର୍ଲ୍ଲଭ ସୁମନେ ମାଧବ ମର୍ତ୍ତ୍ୟେ ରଙ୍ଗଲୀଳା ରଚିତ
ପ୍ରେମ ଆନନ୍ଦେ ଦୋଳ ଗୋବିନ୍ଦ ଦୋଳେ ରତ
ଋତୁରାଜ କରେ କୁସୁମ ସମ୍ଭାରେ କରେ କି ଗୋବିନ୍ଦେ ସ୍ୱାଗତ l
