ଦକ୍ଷିଣ ଭାରତ ଗସ୍ତ ଶେଷେ

ଦକ୍ଷିଣ ଭାରତ ଗସ୍ତ ଶେଷ କରି l

ଉତ୍କଳକୁ ଆଜି ଯାଉଅଛି ଫେରି l

ଦେଖିଲୁ ଅନେକ ମନୋରମ ସ୍ଥାନ l

ତିରୁପତି କନ୍ୟା କୁମାରୀ ଯେସନ l

ଟିପୁ ସୁଲତାନ ଫାଶି ଦିଆ ସ୍ଥାନ l

ଶିରି ଅସ୍ତ ହେଲା ଶ୍ରୀରଙ୍ଗପତ୍ତନ l

ଅତି ମନୋରମ ମୈଶୁର ପ୍ରାସାଦ l

ଚାମୁଣ୍ଡେଶ୍ଵରୀଙ୍କ ଲଭିଲୁ ପ୍ରସାଦ l

ତ୍ରିଭେନ୍ଦ୍ରମ ଠାରେ ପଦ୍ମନାଭସ୍ବାମୀ l

କୋଡ଼ାଈ କାନାଲ ଯାଇଥିଲୁ ଭ୍ରମି l

ମଦୁରାଇ ଠାରେ ମିନାକ୍ଷୀ ମନ୍ଦିର l

ଦେଖିଲୁ ମିନାକ୍ଷୀ ଶିବ ବାହାଘର l

କାଞ୍ଚିପୁର ଠାରେ ଶିବ ବିଷ୍ଣୁକାଞ୍ଚି l

ବିଶାଳ ମନ୍ଦିର କଳ୍ପନା ବିରଞ୍ଚି l

ସେତୁବନ୍ଧଠାରେ ପ୍ରଭୁ ରାମେଶ୍ୱର l

ଥାପନା କରିଲେ ଶ୍ରୀରାମ ଚନ୍ଦର l

କାଲାମ ଭାଇଙ୍କ ପୁଣ୍ୟ ସ୍ମୃତି ପୀଠ l

ଆମ ବୈଜ୍ଞାନିକ ରାଷ୍ଟ୍ରପତି ଖ୍ୟାତ l

ବିଶ୍ୱେଶରାୟା କୃଷ୍ଣ ରାଜ ସାଗର l

Advertisement

p>

ବୃନ୍ଦାବନ ବନ ପାଶେ ରାଜେ ତାର l

ଶେଷରେ ଦେଖିଲୁ ମଲ୍ଲିକା ଅର୍ଜୁନ l

ଶ୍ରୀଶୈଳ ଶିଖରେ ଯାହାଙ୍କ ଆସ୍ଥାନ l

କିନ୍ତୁ ରହି ଗଲା ଏକ ଅବଶୋଷ l

ଦର୍ଶନ ନୋହିଲା ପ୍ରଭୁ ଭେଙ୍କଟେଶ l

ସବୁ ସ୍ଥାନେ ଦେଵାଦେଵୀଙ୍କୁ ଦୟିନୀ l

ଦୟା ରଖିଥିବେ ମୋ ଭାଈଭଉଣୀ l

ବିଦ୍ୟୁତ ଶକଟ ନେଉ ଅଛି ଟାଣି l

ଭୁବନେଶ୍ୱରରେ ଡାକୁଛି ନାତୁଣୀ l

ଏବେ ପହଞ୍ଚିଛି ରାଜ ମେହେନ୍ଦିରୀ l

ପାଶେ ବହେ ଯାର ପୁଣ୍ୟ ଗୋଦାବରୀ l

ଏହା ଥିଲା ଦିନେ ଉତ୍କଳ ସାମ୍ରାଜ୍ୟ l

ରାୟ ରାମାନନ୍ଦ କରୁଥିଲେ କାର୍ଯ୍ୟ l

ଭେଟିଥିଲେ ଆସି ପ୍ରଭୁ ଶ୍ରୀଚୈତନ୍ୟ l

ଉତ୍କଳ ମାଟିକୁ କରି ଗଲେ ଧନ୍ୟ l

ଗାଡ଼ି ଚାଲି ଅଛି ତୀବ୍ର ଗତି ଧରି l

ଲକ୍ଷ୍ୟ ତା ସନ୍ଧ୍ୟାକୁ ଏକାମ୍ର ନଗରୀ l