ଦ୍ଵିତୀୟ ଈଶ୍ୱର
ଦ୍ଵିତୀୟ ଈଶ୍ୱର
ଈଶ୍ବରଙ୍କ ପ୍ରତୀକ ଅଟଇ
ସାଜି ତାଙ୍କ ହତିଆର,
ମାନବ ପାଇଁ ଅଟେ ମାଧବ
ସେ ପରା ଆମ ଡାକ୍ତର ।
ନିଜ ପରିବାର ଭୁଲିଯାଇ
ଏକ କରି ରାତିଦିନ,
ନିଜ ଜୀବନ ବାଜି ଲଗାଇ
ପରକରି ପ୍ରିୟଜନ।
ରୋଗୀ ମନରେ ସାହସ ଦିଏ
ତା'ର ମୁହଁରେ ହସ ଫୁଟାଏ ।
ମଧୁର କଥାରେ ରୋଗୀର ମନରୁ
ଦୁଶ୍ଚିନ୍ତା ଦୂର କରଇ ,
କିଛି ହେବ ନାହିଁ ଭଲ ହୋଇଯିବ
ରୋଗୀ ମନେ ଦମ୍ଭଦେଇ।
ସେ'ତ ପ୍ରେମର ବୈତରଣୀ
ସ୍ନେହର ଗନ୍ତାଘର,
ସେ'ତ ଧର୍ଯ୍ୟର ହିମାଳୟ
ସେବାର ଯାଦୁଗର ।
ଛୁଆଁ ଅଛୁଆଁ ମାନେ ସେ ନାହିଁ
ବୁଝେନି ଗରିବ ଧନୀ,
କଳାଗୋରା ଭେଦ ତାହାଠାରେ ନାହିଁ
ପର ଆପଣା ବୁଝେନି ।
ସେ କରୁଥାଏ ସଦା ସେବା
ନିଜକଥା ଭୁଲିଯାଇ,
ଖୁସିରେ ସମୟ ବିତାଏ
ରୋଗୀ ସାଥେ ମିଶିଯାଇ ।
କରୋନା ପରିକା ମହାମାରୀ ହେଉ
ହେଉ ହଇଜା ବସନ୍ତ,
ଦୁର୍ଘଟଣା ହେଉ ଦୂରାରୋଗ୍ୟ ରୋଗ
ହେଉ ପ୍ରକାର ଯେମନ୍ତ ।
ସେ'ତ ଆହ୍ଵାନକୁ ସାମ୍ନାକରେ
ଭୟ ନଥାଏ ତାହାର,
ରୋଗୀ ଜୀବନ ଫେରାଇ ଆଣି
ସାଜେ ଦ୍ଵିତୀୟ ଈଶ୍ୱର ।