ଦିଶୁଥାଉ ଦିବ୍ୟ ପଥ
ଦିଶୁଥାଉ ଦିବ୍ୟ ପଥ
ନିଷ୍ପାପ ଶିଶୁର ଦେହେ କଣ୍ଟା ନାହିଁ
ଅଛି ଖାଲି କୋମଳତା
ହୃଦୟ ରେ ତାର ନାହିଁ କପଟତା
ଭରି ଅଛି ସରଳତା ।
ଫୁଲରେ ଦେଇଛ କେତେକେତେ ରଙ୍ଗ
ବାସନା ଯେ ଚହଟଇ
ସୁରମ୍ୟ ଉଦ୍ୟାନ ବନ ଉପବନ
ଶୋଭା ଆହା ମହକଇ।
ନଦୀରେ ରହିଛି ଚଂଚଳତା ଗତି
ଆଗକୁ ତ ଯାଏ ବହି
କାହିଁ କେତେ ଦୂରେ ସାଗର ଡାକଇ
ମିଳନର ସୁଖ ପାହି।
ପ୍ରକୃତି କୋଳରେ ଯେ ଯାହା କରମେ
ସେବା ଦେଉଛନ୍ତି ନିତି
ଧନ୍ୟ ସେ ବିନ୍ଧାଣୀ ଗଢିଛି ଏ ମହୀ
ସକଳ ଦ୍ରବ୍ୟ ସାଉଁଟି।
ଏ କଥା ଭାବିଲେ ମଥା ନଇଁ ଯାଏ
ଧନ୍ୟ ଧନ୍ୟ ଜଗନ୍ନାଥ
ସଂସାର କଲ୍ୟାଣ ସର୍ବ ଶୁଭ ଦେଇ
ଦିଶୁ ଥାଉ ଦିବ୍ୟ ପଥ।