ଦିଲ୍ଲୀ ଚଲୋ

ନିର୍ଭୀକ ସୁଭାଷ ଦେଇଅଛି ଡାକ 

ଦିଲ୍ଲୀ ଚଲୋ ଦିଲ୍ଲୀ ଚଲୋ l

ଇମ୍ଫାଲର ବକ୍ଷେ ତ୍ରିରଙ୍ଗା ଉଡୁଛି 

ମାଡ଼ି ଚାଲ ମାଡ଼ି ଚାଲ ll

ସୈନିକେ ଯୁବକେ ଡାକ ଦେଇଛି 

ରକ୍ତ ଦିଅ ରକ୍ତ ଦିଅ l

ସ୍ୱାଧୀନତା ନିଶ୍ଚେ ଆଣିଦେଵି ମୁହିଁ 

ଧରିନିଅ ଏହା ଥୟ ll

ଔଦ୍ଧତ୍ୟ ଭରା ସେ ହୁଙ୍କାର ଶୁଣି 

ଶତ୍ରୁ ହୃଦ ଥର ହର l

ବ୍ରିଟିଶ ଶାସନ ପ୍ରମାଦ ଗଣିଲା 

ଆସିଗଲା କମ୍ପ ଜ୍ୱର ll

ହାରି ଗୁହାରି ବହୁତ ହୋଇ ଗଲା 

ଚଳିବନି ତାହା ଆଉ l

ସ୍ୱାଧୀନତା ମୋର ଜନ୍ମ ଅଧିକାର 

ଛିନ୍ନ କରି ନେବି ବାହୁ ll

ଶତ୍ରୁର ଶତ୍ରୁ ମିତ୍ର ମୋହର ଜର୍ମାନୀ 

ହିଟଲର ଭାଈ l

ସ୍ୱାଧୀନତା ମୋର ଭିଡ଼ି ନେବି ମୁହିଁ 

ଗାଲରେ ଚାପୁଡ଼ା ଦେଇ ll

ଗାନ୍ଧୀ ମହାତ୍ମା ହେ ଲାଗି ରହିଥାଅ 

ଅହିଂସାରେ ଦିନ ରାତି l

ଅମାନିଆ ତୁମ ସୁବାଷ ହିଂସାରେ 

ଚରଣରେ ତଵ ଭକ୍ତି ll

କର୍ମବୀର ହୁଅ ବାକ୍ୟବୀର ନୁହଁ 

ଭାରତର ଯେତେ ଯୁବା l

ଇନକିଲାଵ ହାତ ମିଳାଅ ବିଦେଶୀଙ୍କୁ 

ତଡ଼ି ଦେବା ll

ଅଗ୍ନିବର୍ଷି ବାଣୀ ତୁମର ନେତାଶ୍ରୀ 

ଉନମାଦ ଦେଲା ଭରି l

ଲମ୍ଫ ଦେଲେ ଯେତେ ଯୁବକ ଯୁବତୀ 

ଶତ୍ରୁ ଉଠିଲା ଥରି ll

ତୋଷାମଦ,ତେଲ,ମାଡ଼ଖିଆ ନୀତି

ବିଷ ପ୍ରାୟ ତୁମ୍ଭେ ମଣି l

ଓଟାରି ଆଣିବା ଆମ ସ୍ବାଧୀନତା

ଯିବାକୁ ପଡ଼ୁ ମଶାଣି ll

ଭୁଲି ନାହୁଁ ଆମ୍ଭେ ସେହି ବଜ୍ର ବାଣୀ

ଅସୀର ଜବାବ ଅସୀ l

ନେତାଙ୍କର ନେତା ନେତାଜୀ ସୁଭାଷ 

ଝୁରୁଛୁ ଭାରତ ବାସୀ ll

ଅଦମ୍ୟ ସାହସ ଅପୂର୍ଵ ଉତ୍ସାହ ଠୁଳ

ତୁମ୍ଭ ଠାରେ ଶତ l

କୋଟିକରେ କେବେ ଗୋଟିଏ ମିଳିବେ 

ତୁମ ପରି ଦେଶ ଭକ୍ତ ll

ଆଜାଦ ହିନ୍ଦ୍ ସନ୍ତାନ ତୁମେ ଜନନୀର 

ଯୋଗ୍ୟ ସୂତ l

ତୁମ୍ଭ ଦେଶ ଭକ୍ତି ତୁମ୍ଭ ଜାତି ପ୍ରୀତି

ପାଖେ ଶିର କରୁ ନତ ll