ଦିବ୍ୟ ଶିଳ୍ପୀ ବିଶ୍ବକର୍ତ୍ତା
ଦିବ୍ୟ ଶିଳ୍ପୀ ବିଶ୍ବକର୍ତ୍ତା
ଏକ
ଜଗତର ନାଥ କାଳିଆ ସାଆନ୍ତ
ନୀଳାଚଳ କ୍ଷେତ୍ରବାସୀ,
ମହୋଦଧିକୂଳେ କଳାଗୁଣିଆ ହେ
ନେତ୍ର ଦିବାକର ଶଶୀ ।
ଦୁଇ
ଅଧାଗଢା ତୁମ ବଳିୟାର କର
କରମ କରତା ତୁମେ,
ସାରାସଂସାରକୁ ମାୟାରେଛନ୍ଦିଛ
ବାନ୍ଧିଛ ଭକତି ପ୍ରେମେ ।
ତିନି
ପଦ ନଥାଇ ବି ସର୍ବବ୍ୟାପ୍ତ ତୁମେ
ଜଡ ଜୀବନର ସତ୍ତା,
ଏ ସାରା ବ୍ରହ୍ମାଣ୍ଡ ତୁମ କର୍ମକାଣ୍ଡ
ଦିବ୍ଯ ଶିଳ୍ପୀ ବିଶ୍ବକର୍ତ୍ତା ।
ଚାରି
ପଲକବିହୀନ ତୁମ ଦ୍ୱିନୟନ
ମୁଖ୍ୟଆକର୍ଷଣ ମୁଖେ,
ନଜରରେ ତୁମ ସର୍ବେ ଆପଣାର
ବାନ୍ଧି ରଖ ଦୁଃଖେ ସୁଖେ ।
ପାଞ୍ଚ
ପତିତପାବନ ନାହିଁ ତବ କର୍ଣ୍ଣ
ଗୁହାରି ଶୁଣ ସର୍ବଦା,
ନିଜରୂପନିଜେ ଗଢିଦେଲହସ୍ତେ
ଅବୟବ ରଖି ଅଧା ।
ଛଅ
ରୂପରେ ସାକାର ପୁଣିନିରାକାର
ଅପରୂପ ବ୍ରହ୍ମଜ୍ୟୋତି,
ଅନାଦି ଅନନ୍ତ ଜାଗ୍ରତ ଓ ସୁପ୍ତ
ଉତ୍ପତ୍ତି ବିଲୟ ସ୍ଥିତି ।
ସାତ
ବେନିକରଯୋଡି କରୁଛିଗୁହାରି
ଶ୍ରୀକ୍ଷେତ୍ର କାଳିଆ ଧନ,
ସତ୍ୟଦୟାଶାନ୍ତି ନ୍ୟାୟଧର୍ମପ୍ରୀତି
ସଂସାରେ କରିବ଼ ପୂର୍ଣ୍ଣ ।