ଧ୍ରୁବ ତାରା..

ହେ ଉତ୍ତର ମେରୁର 

ସୌମ୍ୟ, ଧ୍ରୁବ ତାରା.., 

ନାହିଁ ପରିଚାଳନ କି ଘୁର୍ଣ୍ଣନ, 

ତୁମେ ଅପରିବର୍ତ୍ତିତ,

ଅତୀନ୍ଦ୍ରିୟ, 

ସ୍ଵଦେହରେ ଜ୍ବଳନ,

ଅହୋରାତ୍ର, 

ନାହିଁ ପରିକ୍ରମଣ କି ଅତିକ୍ରମଣ, 

କେବେ ଶୁଭ୍ର, ନୀଳ, ଘନ ନୀଳ, 

ତ କେବେ ହରିଦ୍ର ଓ ଲୋହିତ ସ୍ଫୁରିତ, 

ତୁମ ଆଭାରେ ନିଷ୍କଳଙ୍କ ଜ୍ୟୋତି, 

ତୁମେ ସତ୍ୟ, ସନାତନ, 

ଚିରନ୍ତନ,ପରମାଣବିକ, 

ଅବିଚଳିତ, 

ପରମ ଜ୍ୟୋତିଷ୍କ ଆଭା..!

ତୁମେ କେବେ ବିଚଳିତ, 

ଦକ୍ଷିଣ ମେରୁର 

ପରିବର୍ତ୍ତିତ, ଘୁର୍ଣ୍ଣିତ 

ଭ୍ରାମ୍ୟମାଣ, ଯାମ୍ୟ-ଧ୍ରୁବ ତାରା.., 

ପରିଭ୍ରମଣ ଓ ପରିବର୍ତ୍ତନର ଧାରାରେ 

ତୁମେ ସ୍ୱୀୟ ପ୍ରତିବିମ୍ବିତ ଉଗ୍ର ତାରା.. 

ନୀଳାଭୃ ପ୍ରଭାରେ ଦିଗ୍ବଦିଗ ତୁମେ, 

ନଶ୍ୱର ଯେ ତୁମ ସୃଷ୍ଟି ସାରା..!