ଧର୍ମକୁ ଆଖିଠାର

ଜରିବନ୍ଦ ପାଇଁ କୋଟିକୋଟି ଟଙ୍କା ପ୍ରଚାରରେ ହୁଏ ଖରଚ,

ଗୋଟିଏ ଦିନରେ ବିନା ପଇସାରେ ବନ୍ଦ ହେଇପାରେ ଜାଣିଛ ?

ଗୁଟୁକା ଗଞ୍ଜେଇଅବକାରୀ ଚିଜ ଆଇନ ବନ୍ଦ କରିଛି,

ଆଗଠୁଁ ଅଧିକ କିଣା-ବିକା ହୁଏ କହିଲ କିଏ ନ ଜାଣିଛି ? 

ଜରି ଯେ ତିଆରି କରୁଛି କମ୍ପାନୀ ତାକୁ ଧରିଦେଲେ ସରିଲା,

ଗୁଟୁକା କମ୍ପାନୀ ଗଞ୍ଜେଇରପ୍ତାନୀ ବନ୍ଦ କରିଲେ ହୋଇଲା |

ଆମ ପରିବେଶ ଖରାପ କାରଣ ବଡ଼ଗାଡି ଧୂଆଁ ଛାଡ଼ୁଛି,

ବିନା କାରଣରେ ଦ୍ରୁତ ବାଇକରେ ଟୋକାଙ୍କ ହର୍ଣ୍ଣ ରଡୁଛି |

ହେଲମେଟ ଧରା ହୋଇଗଲା ଢିଲା ଷଣ୍ଢ ଶୋଉଛନ୍ତି ବାଟରେ,

ରାଜପଥ ପାଇଁ ମାଲିକ ନାହାନ୍ତି ପୂରିଛି ତ ଗାଈ ଗୋଠରେ |

ଧନ୍ୟ ଆମନେତା ସାଂସଦ ଜନତା ଆଇନ ତା' ବାଟେ ରହୁଛି,

ନିଜ ସୁବିଧାରେ ଯିଏ ଯାହା କରୁ କାହାକୁ ବା କିଏ କହୁଛି ?