ଧର୍ମ_ଶରଣଂ_ଗଚ୍ଛାମିଂ... -------

ଚିନ୍ତା ଅଚିନ୍ତା ଦୁଶ୍ଚିନ୍ତାରୁ ମୁକ୍ତି କାହିଁ

ଜୀବନର ମାନେ ତ ସଂଘର୍ଷ, ଆହ୍ୱାନ ଓ ଗତି

ଯନ୍ତ୍ରଣାରେ ବେଦନାରେ ଯାତନାରେ

ଅଭାବ ଚେତନାର ତେଣୁ ଧୂଆଁ ଧୂଆଁ ଦିଶେ ରାସ୍ତା

ଗ୍ରହଣୀୟତାର ମରୁଭୂମିରେ ମୋହ ମରିଚୀକା

ବାସ୍ତବତା ଓ ସତ୍ଯତା ର ବିନା ସନ୍ଧାନରେ

ଅସମ୍ଭବ ଅସମ୍ଭବ ଏ ଅନ୍ତରର କ୍ଲେଶ ନାଶ, 

ଉଦ୍ଦେଶ୍ଯ ଓ ଉଦ୍ୟମ ମଧ୍ଯରେ ବିରାଟ ପାର୍ଥକ୍ଯ

ଚିନ୍ତନର ବିଷୟ ଚୟନରେ ହୋଇଯାଏ ଭୁଲ୍

ଅବିରତ ହରିନାମ ଶ୍ରୀକୃଷ୍ଣ ଓ ରାମନାମ ନିଅ

ଆସ ଯିବା ଧର୍ମ ପଛେପଛେ ଏକାଏକା

ଧ୍ୟାନ ଏକାଗ୍ରତାରେ ସମ୍ଭବ ପ୍ରକୃତି ଓ ଈଶ୍ବର

ଶରଣ ନେବା ଧର୍ମର ଶାସ୍ତ୍ରର ସୂର୍ଯ୍ୟଚନ୍ଦ୍ରଙ୍କର

ଆଲୋକର ପରିପକ୍ୱତାରେ ବଞ୍ଚିବା

ହସିବା ସତ ହସ ମନରେ ଓ ଓଠେ ମଧ୍ଯ, 

ସବୁ ପଥ ଗଲେ ସରି ଧର୍ମ ଥାଏ ବାକି

ସତ୍ଯ ଶିବ ସୁନ୍ଦର ସେ ତାଙ୍କ ପାଖେ ଯିବା

ଯିଏ ରକ୍ଷା କରେ ସେ ଧର୍ମ 

ନିଜକୁ ରକ୍ଷା କରିବାଟା ହିଁ ତ ଧର୍ମରକ୍ଷା

ଶାନ୍ତିର ସନ୍ଧାନେ ବିଷାଦର କୁହୁଡ଼ି ଆସେ

ଆସ ବିଷାଦ ଖୋଜି ଦୂରେଇବା ତାକୁ

ନିର୍ମାଣ କରିବା ଏକ ସ୍ପଷ୍ଟ ପଥ

ଜୀବନ ଚରିତ୍ର ର ଆଙ୍କିବା ଭକ୍ତିଚିତ୍ର

ଚିତ୍ତବିନୋଦନ ନୁହେଁ ଚିତ୍ତ ନିର୍ମଳର ମାଧ୍ଯମ ଖୋଜିବା

ଜୀବନର ତତ୍ତ୍ବ ବୁଝି ଜାଣିବା

ମାୟାର ମିଛର ଶିକୁଳି କି ଚିହ୍ନି

ପ୍ରକୃତିର କୋଳେ ନିଜକୁ ଦେବା ସମର୍ପିତ କରି।