ଧୋକା
ଧୋକା
ଭାବୁଛ କି ଭାଇ ଖୁସି ଟିକେ ହୋଇ
ପୋଲିସି ଠୁ ଗଲେ ଖସି ।
ମନେ ମନେ ଭାବ ବଡ କାମ କଲ
ଧୂଳି ଦେଇ ଗଲ ଖସି ।।
ଖସି ଗଲ ସିନା ବାର ବାର ତୁମେ
ଧୂଳି ଦେଇ ହାକିମକୁ ।
ବୁଲିଲ ବାହାରେ ଆନନ୍ଦ ମନରେ
ଧରିଣ ନିଜ ଗାଡ଼ିକୁ ।।
ବଞ୍ଚିଗଲ ସିନା ପୁଲିସି ଠୁ ଭାଇ
ପ୍ରତିଦିନ ଭାଇ ତୁମେ ।
କରୋନା ହାବୁଡୁ କେମିତି ବଞ୍ଚିବ
ଏମିତି ହୋଇଲେ ତୁମେ ।।
ପୋଲିସ ଜେତକ ରକ୍ଷା ଯେ କବଚ
ଶତ୍ରୁ କୁ ରହିଛି ଚାହିଁ ।
ଶୋଉଛ ଆନନ୍ଦେ ଦିନ ରାତି ତୁମେ
ରହିଛି ସଦା ସେ ଚାହିଁ ।।
ଭାବୁଛ ଯେ ତୁମେ ଠକିଲ ତାହା ଙ୍କୁ
ଠକିଲ ନିଜକୁ ତୁମେ ।
କବଚ ଶରୀରୁ ଥରେ ବାହାରିଲେ
ମୃତ୍ୟୁ ହୁଏ ଜାଣ ତୁମେ ।।
ଯଦି ବଞ୍ଚିବାର ଅଛି ମାନ ଯେ ନୀତିକି
ଶତ୍ରୁ କୁ ମାରିବା ପାଇଁ ।
ନିଜେ ବି ବଞ୍ଚିବ କରୋନା ମରିବ
ଦୁନିଆ ହସିବ ଭାଇ ।।