ଧନୁ ସଂକ୍ରାନ୍ତି
ଧନୁ ସଂକ୍ରାନ୍ତି
ସଜାଇ ଭୋଗ ଫୁଲ ବେଲ ପତର
ଚାଙ୍ଗୁଡା ଧରି ଯିବା ଶିବ ମନ୍ଦିର l
ମନତୋଷି ପୂଜା କରିଲେ ହର
ଆଶୁତୋଷ ଶାନ୍ତି ହୋଇ ଯାଚିବେ ବର l
ସକଳ କାମନା ହେବ ପୂରଣ ଆମର
ହସି ଉଠିବ ସବୁ ସୁଖ ସଂସାର l
ଖଇ,ନଡ଼ିଆ,ଗୁଡରେ ମୁଆଁ କରିବା
ସଜାଇ ଯତନେ ଚାଙ୍ଗୁଡ଼ିରେ ରଖିବା l
ଶିବ ଶିବ ମହା କୈଳାସ ପତି
କେତେ ନିଷ୍ଠା ବଳେ ତାଙ୍କୁ ପାଇଲେ ସତୀ l
ସଂକ୍ରାନ୍ତି ମାସର ଆରମ୍ଭ ଦିନ
ଲୟ ଲଗାଇ ଗାଇବା ଶିବଙ୍କ ଗାନ l
ମାସର ଆରମ୍ଭେ ପୂଜା କରିବା
ହର ପାଦତଳେ ଧ୍ୟାନ ରଖିବା l
ଜୀବନ ଏଠି ପରା ଜଂଜାଳମୟ
ଶିବ ଦୟା କଲେ ହେବ ଭାଗ୍ୟ ଉଦୟ l
ଜଗତ କଲ୍ୟାଣ ନୀଳକଣ୍ଠ ବୋଲାଇ
ସୃଷ୍ଟିର ଵିଧ୍ଵଂସକାରୀ ମହାକାଳ ବୋଲାଇ l
ମହା ଗ୍ରହଶାନ୍ତି ଶଙ୍କର କରନ୍ତି
ସକଳ ବିପଦୁ ଉଦ୍ଧାର କରନ୍ତି l
ଧନୁ ସଂକ୍ରାନ୍ତିରେ ପୂଜି ମୁଆଁ ବିଧିରେ
ଆଶୀର୍ବାଦ ମାଗି ବିଭୁ ପାଦରେ l
ତେଣୁ ତାଙ୍କ ପଦେ ଲୟ ଲଗାଇ
ଭକ୍ତିରେ ମଥାକୁ ଦେବା ନୁଆଁଇ ।