ଧନ କାର୍ପଣ୍ୟ ସେବା

ଧନ କାର୍ପଣ୍ୟ ସେବା ଫଳେ ସବୁ ସମ୍ଭବ

ନୀତିବାଣୀ କଥା କେବେ ଅନ୍ୟଥା ନୋହିବ

ବୈଭବ ଐଶ୍ୱର୍ଯ୍ୟ ସହ ଦୟା ସେବା ଭାବ

ଥିଲେ ହିଁ ଚ୍ଛାର ଜୀବନ ସାର୍ଥକ ହୋଇବ

ଧନ ଥାଇ ମନେ ଯଦି ରହେ ଗର୍ବ ଭାବ

ସୁଖ ଶାନ୍ତି ଜୀବନରେ ହୋଇବ ଅଭାବ

ଏ ସମାଜରେ ଅଭାବୀ ଅଛନ୍ତି ଦୁଃଖରେ

ମୁଠାଏ ଦାନା ଯୋଗାଡ ହେଉନି ଭଲରେ

କିଏ ବା ରୋଗରେ ପଡ଼ି ଯନ୍ତ୍ରଣା ଭୋଗୁଛି

ବଞ୍ଚି ରହିବାକୁ କେହି ସଂଘର୍ଷ କରୁଛି

ନୀତିବାଣୀ କଥା ସର୍ବେ କହନ୍ତି ଲେଖନ୍ତି 

ସାହାଯ୍ୟ କଥା ଶୁଣିଲେ ମୁହଁ ମୋଡୁଛନ୍ତି

କବିତାରେ ଭାଷଣରେ ପ୍ରାୟ ନୀତିବାଣୀ

ସମାଜରେ ମାନବିକତା ହଜି ଗଲାଣି

ଘର ପଡୋଶୀଙ୍କ ସହ ସମ୍ପର୍କ ଅଭାବ

ଧନ ଅଛି ବୋଲି ମନେ ଗର୍ବର ପ୍ରଭାବ

ଆସ ଏହି ନୀତିବାଣୀ ପ୍ରୟୋଗ କରିବା

ଧନ ଦେଇ ଦୁଃଖୀ ମଣିଷର ସଙ୍ଗ ଦେବା

ରୋଗୀ ଅସହାୟଙ୍କ ଯତ୍ନ ସହିତ ସେବା

ତା' ପରେ ଏ ନୀତିବାଣୀ କହିବା ଲେଖିବା ।