ଧାନ କ୍ଷେତ

ନୀଳ ନୀଳ ରଙ୍ଗ ଢେଉ ପରି

ପବନରେ ଖେଳେ ଦୋଳି

ଚାଷୀ ପୁଅ ଦେଖି ହିସାବ କରଇ

ଏସନ କିଣିବାକୁ ପୂଜା ଥାଳି

ବରଷକ ମେହେନତ କରି ଧରି କଣ୍ଟି

ପାଣି ପଙ୍କରେ ହୋଇ ଘାଣ୍ଟି

ଭୟ ଲାଗେ ସଦା ପଡି଼ବକି କାଳେ ଝୁଣ୍ଟି

ପବନ ଢେଉରେ ନୀଳ କ୍ଷେତ ଯେବେ

ଉଡ଼ୁଥାଏ ଢେଉ କାଟି

ଚାଷୀ ଘରଣୀ ବେସର ରଖଇ ବାଟି

ଚାହିଁ ରହିଥାଏ କୃଷକ ଆଗମନ

ଆଖି କରି ମିଟି ମିଟି

ଖୋଲିକି ଆସିଲେ ଚାଷୀ ଫିଟାଇ ତାଟି

ପଚାରେ ଘରଣୀ ଏସନ କିଣିବି ନାକ ଫୁଲ ଗୋଟି

ଜୁହାର କରଇ ଚାଷୀ ମାଣବସା ପରେ

ଫସଲ କାଟିବି ଗୋଟି ଗୋଟି

ବରଷାକୁ ଦେଖି ଖଳା ବାଡ଼ିରେ

କଳେଇ ବାଡେଇ ଗୋଟି ଗୋଟି

ଚାଷୀର ଘରଣୀ ହାତ ବଟେଇ ରାତି ଦିଏ କାଟି

କ୍ଷେତ ହସିଲା କଳେଇ ଆସିଲା ଖଲାକୁ

ଏଥର ସଳଖି ବାସିବ ପିଠି

ଭାବୁ ଭାବୁ ପରା ଅଦିନ ବରଷା

ଆସୁଛି ଉତ୍ତରା ପବନ ସାଙ୍ଗକୁ ଝପଟି

ମାଆ ବୃନ୍ଦାବତୀ ମାଆ ଲଷ୍ମୀ ଜଗନ୍ନାଥ ପତ୍ନୀ

ରଖ ମାଆ କ୍ଷେତ ହିଁ ଭାତ ଆମ ସଭିଙ୍କର 

ପକାଇ ମଗୁଶୁର ଚିତା ଝୋଟି ।।