ଦଗା ଦିଆ ସମୟ!!
ଦଗା ଦିଆ ସମୟ!!
ତୁମେ ଟିକେ ଧୀରେ ଚାଲ ସମୟ!!
କାଳେ ମୋ ସହିତ ତୋର ଟିକେ ଦେଖା ହେବ!!
ମୋର ସବୁ ତକ ସମୟ ଯେ
ବାଣ୍ଟି କୁଣ୍ଟୀ ନେଇ ଯାନ୍ତି ସମସ୍ତେ,
ସଂସାର,ସମସ୍ୟା ,ପିଲା ,ଛୁଆ
ରୋଷେଇ , ପୂଜା ଘର , ଏମିତି କି
ଭୁଲି ଯାଏ ମୁଁ ନିଜକୁ ଘର ଅଳନ୍ଧୁ ଭିତରେ!!
ବାସନ, କପଡା , ପିଲା ଙ୍କ ସକାଳ ଟିଫିନ୍ ବାକ୍ସ
କେଉଁଥିରେ କିଛି କମ୍ ନ ହେଉ...
କିନ୍ତୁ ତୁମ ପାଇଁ , ପରେ କେବେ ...
ଏମିତି ଭାବୁ ଭାବୁ ବର୍ଷ ବିତିଯାଏ,
ମଥା ରେ ନୂଆ କରି ଧଳା ଚୁଟି ଟେ
ମନେ ପକେଇ ଦିଏ, ତୁମ କଥା
ସମୟ ସରି ଆସୁଛି, ଏବେ ତ ଟିକେ
ସମୟ ଦିଅ!!
ମୁଁ ହସି ଦେଇ ବାଉଁରେ଼ଇ ଦିଏ!!
ମିଛ!! ଏ ପରା ଦୂଷିତ ବାୟମଣ୍ଡଳର ପ୍ରଭାବ!!
ମୁଁହ ଶୁଖାଇ ତୁମେ ପୁଣି ଥରେ ଅଦୃଶ୍ୟ
ହେଇ ଯାଅ !!
ତୁମ କୁ ହିଁ ଦୋଷ ଦିଏ , ବିଶ୍ରାମ ନେବା ବେଳେ,
ଦୀର୍ଘ ଶ୍ଵାସ ନେଲା ବେଳେ, ଚା' ର ବାସ୍ନା ନେଲା
ବେଳେ କଦ୍ ବାଏ ତୁମେ ଝଲସି ଯାଅ, ମୋ ଆଖି
ସାମ୍ନା ରେ!!
ସମୟ ଟେ ମାଗୁଛି, ଏବେ ମୁଁ ତୁମ ପାଇଁ
ଏବେ ସେ ଗର୍ବ ରେ , କହୁଚି ଯା
ଆହୁରି କାମ କର, କର୍ତ୍ତବ୍ୟ କର!
ସବୁ ଉଡ଼ିଯିବେ ତାଙ୍କ ବାଟ ରେ,
ତୁ କିନ୍ତୁ ବସିଥିବୁ ମୋ ଅପେକ୍ଷା ରେ !