ଦେଶପ୍ରେମ
ଦେଶପ୍ରେମ
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
କେତେ ରକ୍ତଦାନେ ସ୍ୱାଧୀନ ହୋଇଛି
ମୋ ପ୍ରିୟ ଭାରତଭୂଇଁ ।
ଅସଂଖ୍ୟ ଜବାନ ଜୀବନ ଦାନରେ
ଜଳିଛି କେତେଯେ ଜୁଇ ।।
ବ୍ରିଟିଶ ଶାସକ କ୍ରୁର ଶାସନରୁ
ମୋ ଦେଶ ଭାରତବର୍ଷ ।
ମୁକ୍ତିର ଆନନ୍ଦେ ଦେଶର ଜନତା
ପ୍ରତି ପ୍ରାଣେ ଖେଳେ ହର୍ଷ ।।
ଜାକଜମକରେ ଅଗଷ୍ଟ ପନ୍ଦରେ
ଆମେ ପାଳୁ ସ୍ୱାଧୀନତା ।
ପରାଧୀନତାର କ୍ଳେଶରାଜି କିନ୍ତୁ
ଆଣଇ ମରମେ ବ୍ୟଥା ।।
ଜାତୀୟ କେତନ ତ୍ରିରଙ୍ଗା ଉଡଇ
ଦେଇ ଏକତାର ମନ୍ତ୍ର ।
ଐକ୍ୟ ଅଖଣ୍ଡତା ସାମ୍ୟ ବାର୍ତ୍ତା ଦିଏ
ଭାରତର ଗଣତନ୍ତ୍ର ।।
ସ୍ୱାଧୀନତା ମୂଲ୍ୟ ବୁଝିକି ପାରିବ
ସ୍ୱାର୍ଥେ ଯାର ମନ ଟାଣ ।
ତୋଷାମଦିଆର ପରମାର୍ଥ ଭାବେ
ଆସିବ କିପରି ଧ୍ୟାନ ।।
ସ୍ୱାଧୀନତା ମୂଲ୍ୟ ପ୍ରକୃତ ଅର୍ଥରେ
ସ୍ୱାଧୀନତା ହ୍ରାସକରି ।
ସ୍ୱାଧୀନତା ଦେବା ଅପରେ ଉଚିତ
ନିଜେ ପ୍ରକଟ ନକରି ।।
ସ୍ୱାଧୀନତା ଜାତି ଅମୂଲ୍ୟ ସମ୍ପଦ
ତାହାର ସୁରକ୍ଷା ପାଇଁ ।
ସ୍ୱାର୍ଥ ତ୍ୟାଗକରି ଦୃଢ ସଂକଳ୍ପଟେ
ନେବା ଚାଲ ଆମେ ଭାଇ ।।
ଶୋଷଣ ଧର୍ଷଣ ଦୁର୍ନୀତି ଅନୀତି
ଦେଶରେ ବୁହାଏ ଲୁହ ।
ଜନତା ସମ୍ମୁଖେ ମୁଖା ଖୋଲିଦେବା
ଦେଶଦ୍ରୋହୀଙ୍କର ମୁହଁ ।।
ଦେଶର ମଙ୍ଗଳ ପାଇଁ ଯାର ପ୍ରାଣ
କାନ୍ଦେ ସଦା ଅବିରତ ।
ଦେଶହିତେ ପ୍ରାଣ ବଳିଦାନ ଦେଇ
ହୁଏ ସିଏ ଦେଶଭକ୍ତ ।।
ମୋ ଦେହର ପ୍ରତି ରକତ ବୁନ୍ଦାରେ
ରହିଛି ମୋ ଦେଶ ସ୍ନେହ ।
ତାର ସେବା କରି ତା ପୁଣ୍ୟ ମାଟିରେ
ମିଶୁ ମୋର ଏହି ଦେହ ।।