ଲାଇବ୍ରେରୀ
ପ୍ରୋଫାଇଲ୍
ଦେଶ ପ୍ରେମ
ଦେଶ ପ୍ରେମ
1 min
261
ଯେଉଁ ଦେଶରେ ଯେ ଗଙ୍ଗୋତ୍ରୀ ବହଇ
ଗୀତା ବାଣୀ ଶୁଭେ ନିତି
ଆମେ ଭାରତୀୟ ଭାଇ ଭାଇ ଜ୍ଞାନେ
ବିତାଉଛୁ ଦିବା ରାତି।
ବିଭିନ୍ନତା ମଧ୍ୟେ ଏକତା ରହିଛି
ସ୍ନେହ ଶ୍ରଦ୍ଧା ପ୍ରୀତି ବୁଣି
ଅରାତି ଧମକେ ଜବାବ ଦେଉଛୁ
ଦେଶବାସୀ ଜାଣି ଜାଣି।
ଆମରି ବାପୁଜୀ ଅହିଂସାର ମନ୍ତ୍ରେ
ଦେଶ କରିଲେ ସ୍ଵାଧୀନ
ବିନା ରକ୍ତପାତ ଆମ ଆନ୍ଦୋଳନ
ଫିରିଙ୍ଗି ହେଲା ମଉନ।
କେତେ କେତେ ବୀର ସହୀଦ ହୋଇଲେ
ଆମ ସ୍ୱାଧୀନତା ପାଇଁ
ରହିଅଛି ଟେକ ମୋ ଦେଶ ମାଆ ର
ଅମର କୀର୍ତ୍ତି ବୋଲାଇ।
ଜାତୀୟ ଦିବସେ ମନେ ପଡ଼ୁଛନ୍ତି
ଦିବଂଗତ ଆତ୍ମା ମାନ
ତାଙ୍କରି ଆଦର୍ଶେ ବଞ୍ଚୁ ସର୍ବେ ଏଠି
ସେ ପାଇଁ ଦେଶ ମହାନ।
ସାରା ଜଗତରେ ପ୍ରସାର କରୁଛୁ
ଶାନ୍ତି ଅହିଂସାର ବାର୍ତ୍ତା
ବିଶ୍ଵ ଗୁରୁ ଭାବେ ମାନ୍ୟତା ଲଭିଛୁ
ନାରାୟଣ ଆମ କର୍ତ୍ତା।
