ଦେଶ ମୋର ଭାସିଯିବ

ବେଳ ଅବେଳରେ ଆସୁଅଛି ଧାଇଁ

ମୋ ପୃଥିବୀ ପୃଷ୍ଠକୁ

ନାନା ବିକଟାଳ ଉଗ୍ର ରୂପ

କାହଁକି କେଜାଣି ଜଣାପଡ଼ୁନାହିଁ

କିଏ କରିଅଛି ଦୋଷ

ଆଜି ଭୋଗୁଅଛି ମୁଁ

ଭୋଗୁଅଛି ଏ

ସମ୍ପୂର୍ଣ୍ଣ ମାନବ ପୂର ।

ଅଦୃଶ୍ୟ ଯୁଦ୍ଧଟା ଲାଗିଲାଣି ଦେଖ

ମାନବ ବନାମ ହିଂସ୍ର ଅଣୁଜୀବ

ଜୀବନଟା ଆଜି ରହିବା ସହଜ ନୁହିଁଇ

ଭାଇ ସବୁକିଛି ମିଶି ଗୋଟାଏ ବନ୍ଦୋବସ୍ତ କର ।

କଥାରେ ଅଛି ବେଳ ଥାଉ ଥାଉ

ବାଳ ବାନ୍ଧିଦେବ

ନଥିବ ସମୟ ଭୟ ତେଣୁ

ଚାଲ ଆମେ ଆଜି ଏକାଠି ହୋଇବା

ଯୁଦ୍ଧ କ୍ଷେତ୍ରେ ପ୍ରତିପକ୍ଷ ଗୋଷ୍ଟିକୁ ନିଶ୍ଚେ ପରାସ୍ତ କରିବା ।

ସମୟ ଆସିଅଛି ଆଜି ସଭିଏଁ ସଜାଗ ହେବା

ନିଜକୁ ନିଜେ ସୁରକ୍ଷା ଦେବା

ବିଜ୍ଞାନ ଆଜି କିଞ୍ଚିତ ହାରିଲାଣି ଦେଖ

ପ୍ରତିପକ୍ଷ ମହାମାରୀ ଗୋଷ୍ଟି

ଦେଖାଉଚି ତାର ପ୍ରଚଣ୍ଡ ରୂପ ।

ଅଣାୟତ୍ତ ପରିସ୍ଥିତି ଆଜି ଉପୁଜିଗଲାଣି

ପଞ୍ଚଭୂତ ହୁଅ ଥରହର

ମାଳିକା ବିଚାର ଆଜି

ସତ ହେବାରେ ଲାଗିଲାଣି ଦେଖ ।

ଘରେ ଘରେ ତାଟି କବାଟ ଝୁଲି

ଗ୍ରାମେ ବୁଲିଲାଣି ଶୃଗାଳ

ଅଚିହ୍ନା ବ୍ୟାଧିକୁ ବଇଦ ନ ଚିହିଁ

ଖାଇବ ଦିନେ ମାଂସାସୀ ଶୃଗାଳ

ପିତାର ଶବକୁ ପୁତ୍ର ନ ଛୁଇଁବ

ସ୍ତ୍ରୀ କାନ୍ଦୁଥିବ ଝୁରି

ସଂସାର ପାଖରେ ଡରିଯିବ ଯେବେ ମଣିଷ ସମାଜ

ଭଜୁଥିବୁ ତୁହି ନାମ ହରି ।

ସମୟ ଆସିବ ବଳଦଶମ ମଣିଷ ହୋଇ

ମୁହଁରେ ବାନ୍ଧିବ ତୁଣ୍ଡି ସେହି

ଭୈରବ ଆସି ଗୃହ ଆଗେ ଡାକ ଦେବ

ମଣିଷ ସମାଜ ଭୟେ ହେବ ଥରହର ।