ଦେଶ ବନ୍ଦନା : ନୂତନ ସୂର୍ଯ୍ୟର ଆଗମନ -ଡକ୍ଟର କୃତ୍ତିବାସ ନାୟକ

ନୂତନ ସୂର୍ଯ୍ୟର ଆଗମନ ହେଲା ଧରାହେବ ଆଲୋକିତ,

ଧର୍ମର ମୁକୁଟ ବିଶ୍ୱ ଜନନୀର ଶିରେ ହେବ ସୁଶୋଭିତ |(ଘୋଷା)

ସାଜିଥିବା ଆମେ ଶାନ୍ତିର ଦୂତ,

ଗାଇବା ମିଳିତ ଅହିଂସାର ମନ୍ତ୍ର |

ହଟାଇବା ଆମେ ଅସତ୍ୟ ଅନ୍ଧାର ସତ୍ୟ ହେବ ପ୍ରକାଶିତ |

ନୂତନ ସୂର୍ଯ୍ୟର ଆଗମନ ହେଲା ଧରାହେବ ଆଲୋକିତ,

ଧର୍ମର ମୁକୁଟ ବିଶ୍ୱ ଜନନୀର ଶିରେ ହେବ ସୁଶୋଭିତ | (1)

ଦୁନିଆ ବାନ୍ଧିବା ମୈତ୍ରୀ ବନ୍ଧନେ,

ଦେବା ନୂଆ ଆଶା ଜଗତର ପ୍ରାଣେ |

ସ୍ୱାଗତ କରିବା ନଵ-ପ୍ରଭାତକୁ ହାତରେ ମିଳାଇ ହାତ |

ନୂତନ ସୂର୍ଯ୍ୟର ଆଗମନ ହେଲା ଧରାହେବ ଆଲୋକିତ,

ଧର୍ମର ମୁକୁଟ ବିଶ୍ୱ ଜନନୀର ଶିରେ ହେବ ସୁଶୋଭିତ | (2)