ଦେଶ ବନ୍ଦନା : ମାଟି ମାଆ ଡାକେ -ଡକ୍ଟର କୃତ୍ତିବାସ ନାୟକ

ଦେଶ ବନ୍ଦନା : ମାଟି ମାଆ ଡାକେ 

-ଡକ୍ଟର କୃତ୍ତିବାସ ନାୟକ

ମାଟି ମାଆ ଡାକେ ହଟାଇ ଦିଅରେ-ଅବିଶ୍ୱାସ ଅନ୍ଧକାର,

ମେଦିନୀ କମ୍ପାଇ ଜାଗିଛି ଭାରତେ ସଂହତିର ମହାଙ୍କୁର |(ଘୋଷା)

ସେ ଶିଶୁ ବୃକ୍ଷରେ ପ୍ରୀତିଜଳ ଦେଲେ ଫିଟିବ ଶାନ୍ତିର ଧାରା,

ସତ୍ୟ ସାର ପାଇ ହେବ ମହାଦ୍ରୁମ ହସି ଉଠିବ ଏ' ଧରା |

ତା' ଗହଳ ଛାଇ ଲଭିଲେ ସକଳେ ନଥିବ ଆପଣା ପର |

ମାଟି ମାଆ ଡାକେ ହଟାଇ ଦିଅରେ-ଅବିଶ୍ୱାସ ଅନ୍ଧକାର,

ମେଦିନୀ କମ୍ପାଇ ଜାଗିଛି ଭାରତେ ସଂହତିର ମହାଙ୍କୁର | | (1)

ମୈତ୍ରୀ ପତାକା ଉଡ଼ାଇ ଆକାଶେ ଗାଇବା ସାମ୍ୟର ଗୀତି,

ପରାଣେ ପରାଣେ ପୁଲକ ଜାଗିବ ବଢ଼ାଇ ମାନବ ପ୍ରୀତି |

ସେହି ମହାଦ୍ରୁମ ଫଳରସ ଖାଇ ଦେବତା ସାଜିବେ ନର |

ମାଟି ମାଆ ଡାକେ ହଟାଇ ଦିଅରେ-ଅବିଶ୍ୱାସ ଅନ୍ଧକାର,

ମେଦିନୀ କମ୍ପାଇ ଜାଗିଛି ଆଜି ତ ସଂହତିର ମହାଙ୍କୁର | (2)