ଦେଶ ବନ୍ଦନା: କେତେ ଜନମ ସାଧନା ବଳେ

କେତେ ଜନମ ସାଧନା ଆଉ କେତେ ଧରମ ବଳେ,

ହୋଇଛି ଧନ୍ୟ ପାଇଁ ଜନମ ଭାରତ ମାତା କୋଳେ |(ଘୋଷା)

ତଳରେ ଥାଇ ହାତ ବଢ଼େଇ ପାଏ ମୁଁ ଏଠି ଫଳ,

ଖୋଳିଲେ ପୁଣି କେତେ କେଜାଣି ପାଏ ଅମୃତ ଜଳ |

କୁହ ତ କିଏ ଏମିତି ସୁଖ ଆଉ କେଉଁଠି ମିଳେ ?

କେତେ ଜନମ ସାଧନା ଆଉ କେତେ ଧରମ ବଳେ,

ହୋଇଛି ଧନ୍ୟ ପାଇଁ ଜନମ ଭାରତ ମାତା କୋଳେ |(1)

କେତେ ଯେ ଜାତି ଧର୍ମ ବର୍ଣ୍ଣର ଏ' ପୀଠ ମିଳନର,

ସରଗପୁରୀ ହେବନି ସରି ରୂପ ଗୁଣରେ ତା'ର |

ଆମରି ପାଇଁ ଆମ ଜନନୀ ସ୍ନେହ ମମତା ଢାଳେ |

କେତେ ଜନମ ସାଧନା ଆଉ କେତେ ଧରମ ବଳେ,

ହୋଇଛି ଧନ୍ୟ ପାଇଁ ଜନମ ଭାରତ ମାତା କୋଳେ |(2)