ଦେଶ ବନ୍ଦନା: ଗୋଟିଏ ଆମରି ମାଆ

ଗୋଟି ଗୋଟି ଆମେ କୋଟିଏ ସନ୍ତାନ- ଗୋଟିଏ ଆମରି ମାଆ,

ତା'ର କୋଳେ ଆମେ ସକଳେ ସମାନ- ସଭିଙ୍କର ସେହି ସାହା । (ଘୋଷା)

ମାଆ ସିନା ସହେ ସନ୍ତାନର ଅଳି କୋଳେଇ କାଖେଇ ଧରି,

ମାତୃଭୂମି ଆଉ ମାତୃଭାଷା ଦୁହେଁ ସମାନ ମାଆର ପରି ।

ସବୁ ଦୁଃଖ ସହି ଦିଅନ୍ତି ଯୋଗାଇ ଯେତେବେଳେ ଲୋଡ଼ା ଯାହା ।

ଗୋଟି ଗୋଟି ଆମେ କୋଟିଏ ସନ୍ତାନ- ଗୋଟିଏ ଆମରି ମାଆ,

ତା'ର କୋଳେ ଆମେ ସକଳେ ସମାନ- ସଭିଙ୍କର ସେହି ସାହା ।

ମାଆର ମମତା ମାତୃଭାଷା କଥା ଲାଗେ ସିନା ମିଠା ମିଠା,

ଯୁଗ ଯୁଗ ଧରି ସହୁଛି ଯେ ଅଳି ତା' ଚରଣେ ଥାଉ ମଥା ।

କୋଟି ସନ୍ତାନର ଜନନୀ ଭାରତ ଦେଖାଏ ଧର୍ମର ରାହା ।

ଗୋଟି ଗୋଟି ଆମେ କୋଟିଏ ସନ୍ତାନ- ଗୋଟିଏ ଆମରି ମାଆ,

ତା'ର କୋଳେ ଆମେ ସକଳେ ସମାନ- ସଭିଙ୍କର ସେହି ସାହା ।