ଦେଶ ବନ୍ଦନା : ଭାରତ ଏକ ସାଗର

କାଶ୍ମିରଠାରୁ କୁମାରିକା ଯାଏ ଭାରତ ଏକ ସାଗର,

ଅଠେଇଶ ନଦୀ ବହେ ତା' ଭିତରେ ଆଉ ନଅ ଗୋଟି ଝର |(ଘୋଷା)

ଏହି ସାଗରରେ ଭରିଛି ରତନ ହୀରା-ନୀଳା ଆଉ ମୋତି,

ଉଠିଲେ ତରଙ୍ଗ ଦିଶେ ବହୁରଙ୍ଗ କେତେଭାଷା କେତେଜାତି |

ସଭିଙ୍କୁ ଆଦର କରୁଛି ସାଗର ନାହିଁ ପର ଆପଣାର |

କାଶ୍ମିରଠାରୁ କୁମାରିକା ଯାଏ ଭାରତ ଏକ ସାଗର,

ଅଠେଇଶ ନଦୀ ବହେ ତା' ଭିତରେ ଆଉ ନଅ ଗୋଟି ଝର | |(1)

ଧରମ ବୋଇତ ଭାସେ ସେ ସାଗରେ ଶାନ୍ତିର ବାରତା ଦେଇ,

ଅହିଂସାର ବାଣୀ ମୈତ୍ରୀର କାହାଣୀ ଯାଏ କାନେ କାନେ କହି |

ତ୍ରିରଙ୍ଗା ପତାକା ଆଣୁଛି ଏକତା ଉଡ଼ି ଫର ଫର ଫର |

କାଶ୍ମିରଠାରୁ କୁମାରିକା ଯାଏ ଭାରତ ଏକ ସାଗର,

ଅଠେଇଶ ନଦୀ ବହେ ତା' ଭିତରେ ଆଉ ନଅ ଗୋଟି ଝର | |(2)