ମହାବିନାୟକରେ ଆମ ବଣଭୋଜି

ଯାଜପୁର ଜିଲ୍ଲା ଚଣ୍ଡୀଖୋଲ ଠାରେ

     ମହାବିନାୟକ ପର୍ବତ ଉପରେ l

ଯହିଁ ବସିଛନ୍ତି ପ୍ରଭୁ ଅଗ୍ରପୂଜ୍ୟ

    ମହାବିନାୟକ ନାମେ ଜନେ ପୂଜ୍ୟ l

ସେହିଠାରେ ହେଲା ଆମ ବନ୍ୟଭୋଜ

   ସାଥି ମାନେ ମିଶି କରିଲେ ମୋଉଜ l

ଅପୂର୍ବ ସୁନ୍ଦର ହରିତ ବନାନୀ

     ପକ୍ଷୀମାନେ କରୁଥିଲେ କଳଧ୍ୱନୀ l

ଭଦ୍ରକ କଲେଜ ସବୁ ପଢ଼ାସାଥୀ

    ଅରୁନ୍ଧତୀ ଥିଲେ ଆମ ଦଳ ନେତ୍ରୀ l

ଆମ ପ୍ରିୟ ବନ୍ଧୁ ଭାଇ ଲକ୍ଷ୍ମୀଧର

    ପୀଠର ନିକଟେ ଅଟେ ଯାଙ୍କ ଘର l

କରିଥିଲେ ମହା ମହା ଆୟୋଜନ

   ମୃଦୁ ପାନ୍ୟ ସଙ୍ଗେ ସୁସ୍ଵାଦୁ ଭୋଜନ l

ସେହିଠାରେ ଆମେ ସାଥିମାନେ ମିଶି

    କଲୁ କେତେ କେତେ କଉତୁକ ଖୁସି l

ବିଭୁ ଭାଇ ଆମ ବଜାଇଲେ ବଂଶୀ

      କୃଷ୍ଣ ସତେ ଅବା ବୃନ୍ଦାବନୁ ଆସି l

ସେ ବଂଶୀର ତାନେ ସର୍ବେ ମାରି ତାଳି

     ନାଚୁଥିଲେ ଯଥା ବୃନ୍ଦାରଣ୍ୟ ବାଳି l

ଆମ ପ୍ରିୟ ବନ୍ଧୁ ଶ୍ରୀବ୍ରଜ କିଶୋର

    ବାଖାଣିଲେ କେତେ ସ୍ମୃତି ଅତୀତର l

କାଳବସେ ଭାଇ ସର୍ବେ ଯିବା ଚଳି

   ଦିବଂଗତେ ଦେଲୁ ଦିବ୍ୟ ଶ୍ରଦ୍ଧାଞ୍ଜଳୀ l

ହିସାବ ରଖିଲେ ଭାଇ ଯଦୁମଣି

   ଦୁଇଦିନେ ଦେବେ ସଭାରେ ବଖାଣି l

ଶ୍ରୀବିନାୟକଙ୍କ ଦିବ୍ୟ ଦରଶନ

    କରି ସର୍ବ ସାଥି ହେଲୁ ଆମ୍ଭେ ଧନ୍ୟ l

ପୂର୍ବାହ୍ନରେ ଥିଲା ଚାହା ଜଳଖିଆ

     ଘୁଗୁନିର ସଙ୍ଗେ ଉପମା ହାଲୁଆ l

ଦିନ ଦ୍ଵିପ୍ରହରେ ପଂକ୍ତିରେ ଭୋଜନ

      ଆମିଷ ହରିତ ନାନାଦି ବ୍ୟଞ୍ଜନ l

ସରୁଭାତ ସଙ୍ଗେ କ୍ଷୀରି ଓ ପାମ୍ପଡ଼

   ଦାନ୍ତ ଭାଙ୍ଗିଗଲା ଚୋବାଇ କା ହାଡ଼ l

ମୁହଁ ପଡ଼ି ଗଲା ସଭିଙ୍କର ସିଠା

   ମାଙ୍କଡ଼ ଖାଇଲେ ଯେଣୁ ଆମ୍ଭ ମିଠା l

କାମଟିଏ ଦେଲେ ବନ୍ଧୁ ମାନେ ଭାବି

     ମାଙ୍କଡ଼କୁ ଜଗ ହେ ଅର୍ଜୁନୀ କବି l

ଚାରିଟା ବେଳକୁ ହରିବୋଲ ଦେଇ

     ସବୁ ସାଥୀ ଗଲେ ଘରକୁ ପଳାଇ l

ଏକା ବସିଥିଲେ ବନ୍ଧୁ ଲକ୍ଷ୍ମୀଧର

  ଧିରେ ସୁସ୍ଥେ ଯିବେ ପାଶେ ଯେଣୁ ଘର l

ଶ୍ରେୟ ଦେବା ତାଙ୍କୁ ଭୋଜି ସଫଳତା

      ବନ୍ଧୁ ମିଳନର ବାନ୍ଧବ ବାରତା l

ଆଉ ଯେତେ ବନ୍ଧୁ ଯାଇ ନ ପାରିଲେ

    ଘରେ ବସି ଆମ ମଉଜ ଦେଖିଲେ l

ନମଃ ନମଃ ପ୍ରଭୁ ମହା ବିନାୟକ

     ସାହା ସଦା ଥିବ ଆହେ ଗଜମୁଖ l

ଗଜମୁର୍ଖ ଗଲି ଶରଣ ତୁମ୍ଭର

    ନମଃ ଜ୍ଞାନଦାତା ପ୍ରଭୁ ଲମ୍ବୋଦର l

ଏହି ଭଳି ଆମ ଆନନ୍ଦ ଚାଲିବ

       ପରମାନନ୍ଦରେ ଦିନ ବିତିଯିବ l