ଦେଖୁଥା ଦୂରେ ଥାଇ
ଦେଖୁଥା ଦୂରେ ଥାଇ
ଆ ଆରେ ସାନୁ ଜଲଦି ଆ ଆ,
ଗୁହାଳେ ଥାଇ ଡାକୁଛି ମାଆ -
କରନା ଆଉ ଡେରି;
ରଙ୍ଗି ଗାଈ ତ ଦେଇଛି ଛୁଆ,
ସଳଖି ସିଏ ହେଲାଣି ଠିଆ ।
ଚାଲୁଛି ଥିରିଥିରି ।
ବାଛୁରୀକୁ ସେ ଦେଉଛି ଚାଟି,
କ୍ଷୀର ଖୋଉଛି ମମତା ବାଣ୍ଟି ।
ଛାଡ଼ୁନି ଦଣ୍ଡେ କାହିଁ;
ବାଛୁରୀ ଗଲେ ଦୂରକୁ ଚାଲି ,
ହୁଁ ,ହୁଁ ସେ କରୁଛି ଖାଲି ।
ପାଖେ ପାଇବା ପାଇଁ ।
ଦେଖୁଥା ଖାଲି ଚୁଉପ କରି,
ଯାଆନା ଜମା ବାଛୁରୀ ଧରି ।
ହୁରୁଡ଼ି ଯିବ ଗାଈ;
ବିଗିଡ଼ି ଗଲେ ଦେବନି କ୍ଷୀର,
ଆମକୁ ସିଏ ଭାବିବ ପର ।
ଦେଖୁଥା ଦୂରେ ଥାଇ ।
ଦିନେ ଦି ଦିନ ଗଲାଠୁ ବିତି,
ବାଛୁରୀ ସଙ୍ଗେ ଖେଳିବା ନିତି ।
ଗାଈକୁ ଦେବା ଘାସ;
ଅରଣା ଆଉ ହେବନି ଗାଈ,
ଗୋଡ଼େଇବନି ମାରିବା ପାଇଁ ।
ଦେବ ସିଏ ଗୋରସ ।