ଦେଖି ଚକାଆଖି ଆଖି ଯାଏ ଲାଖି

ଷୋଳହ କଳାରେ କାଳିଆ କଳାରେ

କଳାକୁ କଳନା କଳ୍ପିବା କଳରେ

ନାହିଁ ଉପମାନ ଉଣା ଉପମା ଯେ 

କିପରି ବର୍ଣ୍ଣିବି ପାଏନି ବର୍ଣ୍ଣ ଯେ ll

ଦର୍ଶନ କରିବା ପାଇଁକି କାଳିଆ

ଦାଣ୍ଡରେ ଭକତ ଚାତକେ ଚାହିଁଥା

ଅଧର ହସରେ ମୁରୁକି ହସିକି

କାଳିଆ ଦେଖଇ ଅନ୍ତର ଭକ୍ତିକି ll

ରତନ ବେଦୀରେ ଆନନ୍ଦେ ବସିକି

ରଙ୍ଗରେ ରଙ୍ଗେଇ ହୁଏ ସେ ପ୍ରୀତିକି

ଭାବରେ ବାନ୍ଧଇ ଭାବରେ ଡାକଇ

ଭକତ ଦେଖିଲେ ଅଧୀର ହୁଅଇ ll

ଆକର୍ଷେ ନୟନ ବୃତ୍ତିୟେ ଦେଖିଣ

ଜଗତ ଚଳାଅ ସଭିଙ୍କୁ ଶୁଣିଣ

 ଦେଖିବା କାରଣ ହୃଦୟ ବ୍ୟାକୁଳ

ଭକ୍ତର ଗୁହାରୀ ଶୁଣନ୍ତି ସକଳ ll

ଦେଖିକି ଆଖିକି ତୃପ୍ତି ଯେ ହୃଦୟ

ଛାଡ଼ିଯାଏ ମୋହ ସଂସାରର ଭୟ

ଏକତ୍ୱ ଚିନ୍ତନେ କାଳିଆ ଠାକୁର

ଅଟନ୍ତି ନିଜର ଆଉ ସବୁ ପର ll