ଦେଖ ରାଜନୀତି, ଗଣତନ୍ତ୍ର ନୀତି
ଦେଖ ରାଜନୀତି, ଗଣତନ୍ତ୍ର ନୀତି
ଏ କି ରାଜନୀତି, ରାତାରାତି ବଡ଼
ହେବାକୁ ଚାହାନ୍ତି ଛଳେ ବଳେ
ଦେଖ ତାର ପ୍ରଭାବେ ମଣିଷ ସ୍ଵଭାବ
ବଦଳି ଯାଇଛି ଆଜିର ଭାରତ ମଣ୍ଡଳେ
ଏହି ତ ଗଣତନ୍ତ୍ର ଏହି ତ ଗଣତନ୍ତ୍ର ଏହି ତ ଗଣତନ୍ତ୍ର ।
ଜୀବନ ପୃଷ୍ଠାରେ ପରିସ୍ଫୁଟ ହୋଇଛି
ଆଖିରେ ଏକ ଚରିତ୍ରର ଚିତ୍ର
ଚହଟ ଚିକ୍କଣ ବେଶରେ ହୋଇ ଆବୃତ
ଆସନ୍ତି କେତେ କେତେ ଚରିତ୍ର
ଏହି ତ ଗଣତନ୍ତ୍ର ଏହି ତ ଗଣତନ୍ତ୍ର ଏହି ତ ଗଣତନ୍ତ୍ର ।
ବଡ ବଡ ପ୍ରତିଶୃତି ଦେଇ ଯେବେ ଦି
ପଦ କଥା କହେ
ଜଣା ପଡେ ପାଠ ବିବର୍ଜ୍ଜିତ ବେଶ
ନୁହେଁ ତାର ଭାଷା ଦେଖାଏ
ଏହି ତ ଗଣତନ୍ତ୍ର ଏହି ତ ଗଣତନ୍ତ୍ର ଏହି ତ ଗଣତନ୍ତ୍ର ।
ନାଲିପାଣିର ଏକି ଆଚମ୍ବିତ କଳା ଲୀଳା
ମିଳେ ଗାଆଁଠୁ ସହର ଯାଏ
ଶାନ୍ତିର ବାନା ଉଡାଇ, ଦେଖ ଦିବସ
ରଜନୀ ହିଂସା ଜଳେ ଠାଏ ଠାଏ
ଏହି ତ ଗଣତନ୍ତ୍ର ଏହି ତ ଗଣତନ୍ତ୍ର ଏହି ତ ଗଣତନ୍ତ୍ର ।
ଗଣତନ୍ତ୍ର ପରା ଉତ୍ତମ ଶାସନ ଆଜି
ଆଦୃତ ବିଶ୍ବ ମାନସରେ
ଭାରତୀୟ ଜନତା କଅଣ ଦେଖୁଛି ଏଠି
ନିତି ଗଣତନ୍ତ୍ର ବସୁଛି ଫାଶିରେ
ଏହି ତ ଗଣତନ୍ତ୍ର ଏହି ତ ଗଣତନ୍ତ୍ର ଏହି ତ ଗଣତନ୍ତ୍ର ।
ଯୁଗେ ଯୁଗେ ସାଧାରଣ ଚୋରର ପସନ୍ଦ
ରହେ ରାତ୍ରର ଅନ୍ଧକାର
ଆଲୁଅ ଭିତରେ ଭଦ୍ର ଖୋଳପାରେ ଦିଅଁ
ସହ ଖଟୁଳି ଖାଏ ରାଜନୈତିକ ଚୋର
ଏହି ତ ଗଣତନ୍ତ୍ର ଏହି ତ ଗଣତନ୍ତ୍ର ଏହି ତ ଗଣତନ୍ତ୍ର ।
ରାଜନୀତି ର କୂଟନୀତିଆଙ୍କ ପଶାକାଠି
ଖେଳ ଆଜି କଅଣ ଶିଖେଇଛି
ଗାଁ ଗାଁ ପରିବାରେ ଅଶାନ୍ତିର ନିଆଁ ଜାଳି ଭୋଟ
ନେବାରେ ଦେଶର କି ଲାଭ ହେଉଛି
ଏହି ତ ଗଣତନ୍ତ୍ର ଏହି ତ ଗଣତନ୍ତ୍ର ଏହି ତ ଗଣତନ୍ତ୍ର ।