ଦେହ

ଦେହ ଅଛି ବୋଲି ମନ ଭଲ ଲାଗେ

କିଛି ଦିନ କେତେ ହସ

ସବୁବେଳେ ଦେଖେ ହୃଦୟ ଜିଣିବା

ମେଣ୍ଟାଇ ଦିଏ ତା ଶୋଷ ।

ଏହି ଦେହ ପାଇଁ ଜୀବନ କାଟିବା

ଭଲ ଖାଇ ଭଲ ଚିନ୍ତା

ସୁସ୍ଥ ରହୁ ଆମ ପରିବେଶ ସ୍ଥିତି

ବୃକ୍ଷ ବଞ୍ଚିରହୁ ଜିଅନ୍ତା ।

କିଏ ଜାଣିଅଛି ଏ ଦେହ ଶରୀର

କେତେ ଦିନ ଆମ ସାଥୀ

ଜାଣି ଶୁଣି କେବେ ପଛକୁ ନ ଯିବା

ଦେଇ ଚାଲିଥିବା ପଥି ।

ଦେହ ଧରି ଆମେ ଜନମ ହୋଇଛେ

ବ୍ୟାୟାମ କରିବା ନିତି

ଅଯଥା କଥାକୁ ମୁଣ୍ଡରେ ନ ନେଇ

ଉତ୍ତମ କାର୍ଯ୍ୟରେ ମାତି ।

ସଦା ସର୍ବଦା ଅନ୍ୟର ମଙ୍ଗଳ

ମନରେ ରଖିବା ସ୍ଥିର

କିଏ କେତେ କଣ କଥା କହି ରହୁ

ଦେହକୁ ନ ନିଅ ଗାର ।

ଶାନ୍ତି ସହକାରେ ପୂଜା ଓ ଅର୍ଚ୍ଚନା

କରି କରାଇବ ବାରେ

ଚହଲି ନ ଯାଇ ସବୁକୁ ନିଜର

ପାଖେ ରହି ଯିବ ଧିରେ ।

ମାସ ପରେ ମାସ ଦିନ ବିତି ଯିବ

ଦେହକୁ ନ କରି ହେଳା

ସବୁକୁ ବିଚାର କରି ନିଜ ବଳେ

ଦେଖୁଥିବ ନିଜ ବେଳା ।।