ଦେହ

ଏ ଦେହ ମୋର କ୍ଷଣ ଭଙ୍ଗୁର

ଦିନେ ମୁଁ ଯିବି ଫେରି,

ଦିବ୍ୟ ଶରୀର ତୁମରି ଦାନ

ନେଇଛି ପ୍ରଭୁ ବରି।1।

ଗୁରୁ ଜନରେ ସେବା ଭାବନା

ହୃଦେ ମୋ ସରାଗ ରହୁ,

ଅସତ କର୍ମେ ଚିତ୍ତ ନବଳୁ

ଭିକ୍ଷା ଦିଅ ମହାବାହୁ।2।

ସ୍ୱାଧ୍ୟାୟ କରମେ ଏ ଶରୀର ଥାଉ

ଭାବ ଜାଣି ଦିଅ ବିଭୁ,

ଯେଉଁ ଜ୍ଞାନରେ ମୁକ୍ତି ମିଳିବ

ଦିଅନ୍ତୁ ହେ ମୋର ପ୍ରଭୁ।3।

ବିଶାଳ ହୃଦୟ ହୃଦୟରେ ଦିଅ

ସଂକୀର୍ଣ୍ଣତା ନ ରହିବ,

ସଭିଏଁ ମୋହର ଆପଣାର ବନ୍ଧୁ

ଭିକ୍ଷା ଦିଅ ହେ ମାଧବ।4।

ଅନ୍ତର ର କଥା ପ୍ରଭୁଙ୍କୁ କହିଲି

ଦାସେ କ୍ଷମା କରିଦେବେ,

ମୋ ଦେହେ ଆତ୍ମା ଯୋଡିଥିଲେ ପ୍ରଭୁ

ପଦ୍ମ ପାଦେ ସ୍ଥାନ ଦେବେ।5।