ଜହ୍ନ

ଜହ୍ନଠୁ ଶିଖିବା ଶୀତଳତା ଗୁଣ 

ଆଲୋକରେ ଦେବା ଭରି,

ସୃଷ୍ଟିର ବିଧି ନୁହେଁ ଅବଧି 

ଭଲ କାମେ ଯିବା ସରି।1।

ସୁନିୟନ୍ତ୍ରିତ ସମୟର କେବେ 

କର ନାହିଁ ବ୍ୟତିକ୍ରମ,

ଜହ୍ନଠୁ ଏ ଗୁଣ ଆପଣାଇ ନେଲେ

 ହେବ ମଣିଷ ଉତ୍ତମ।2।

ଜହ୍ନ ବାଣ୍ଟିଦିଏ ଆଲୋକର ରାଶି 

ପକ୍ଷପାତ କରେ ନାହିଁ,

ଏଇ କଥା ଆମ ହୃଦୟେ ଘେନିବା 

ସମଦର୍ଶି ହେବ ପାଇଁଁ।3।

ସୂର୍ଯ୍ୟଙ୍କ ଉତ୍ତାପ ସଦାବେଳେ ସହି 

ଶିତଳତା କରେ ଦାନ,

କରେ ନାହିଁ କେବେ ବୃଥା ପ୍ରତିବାଦ

ଏ କଥା ବିଚାରି ଘେନ।4।

ଯୁଗ ଯୁଗ ଧରି ଆମରି ପାଇଁକି

କର୍ତ୍ତବ୍ୟ ସେ କରୁଥାଏ,

ଭଲ କାମ ଆମେ କେବେ ଛାଡିବାନି 

ଏ ଜୀବନ ଥିବା ଯାଏଁ।5।

ପକ୍ଷେ ପଡ଼ି ପକ୍ଷେ ଉଠିଯାଏ ସିଏ

ନଥାଏ ତାହାର ଦୁଃଖ,

ଉତ୍ଥାନ ପତନ ପାଥେୟ କରିଣ

ଲଭିବା ସମାନ ସୁଖ।6।