ଦେବୀ ବୃନ୍ଦା ବତୀ ପାଶେ ସନ୍ଧ୍ୟା

ଦେବୀ ବୃନ୍ଦା ବତୀ ପାଶେ ସନ୍ଧ୍ୟା ବତୀ

ଦୀପ ଜଳାଇ ଆଳତୀ

କଲେ ଅତୁଳନ ପୂଣ୍ୟ କୁ ଅର୍ଜ୍ଜନ

ହୋଇ ଥାଏ ନିତି ନିତି ।

ତୁଳସୀ ବୃକ୍ଷର ଅସୀମ ଭଣ୍ଡାର

 ସମୃଦ୍ଧ ପୌରାଣିକତା

ପ୍ରତି ଜନ ମନେ ଭରି ଦିଏ ଦିବ୍ୟ

 ଚେତନା ସ୍ପନ୍ଦନ ଚିନ୍ତା ।

କୁଚିନ୍ତା , କୁଭାବ ଦୁସ୍ପ୍ରବୃତି ସର୍ବ

ଦୂର କରି ଦିଏ ନିତ୍ୟେ

ଯେଉଁ ଯେଉଁ ସ୍ଥାନେ ତୁଳସୀ ବୃକ୍ଷର

ପୂଜା ଆୟୋଜନ ହୁଏ ।

ବାୟୁ ମଣ୍ଡଳ ରେ ବିଶୁଦ୍ଧ ବାଷ୍ପ ରେ

ଭରି ଦିଏ ଏହି ବୃକ୍ଷ

ସ୍ନେହ , ପ୍ରେମ , ଶ୍ରଦ୍ଧା , ଆଦର ଆଦର୍ଶ

ଉତ୍ତମ ଭାବ ବନ୍ଧୁତ୍ବ ।

ସମୃଦ୍ଧି ନିମନ୍ତେ ପ୍ରସିଦ୍ଧି ଅର୍ଜନ

 କରିଛି ଏହି ତୁଳସୀ

ଯ।ହା ପ୍ରଭାଵ ରେ ଗରୀୟ।ନ ଆମ

ଏ ଭାରତୀୟ ସଂସ୍କୃତି ।

ସନ୍ଧ୍ୟା ସମୟରେ ଭୁଆସୁଣୀ ମାନେ

ଜାଳି ଧୂପ ଦୀପ ବତୀ

ତୁଳସୀ ବୃକ୍ଷର ମୂଳରେ ପୂଜନ୍ତି

ଭକ୍ତି ଭାବେ ବୃନ୍ଦା ବତୀ ।

ଏଇ ବୃକ୍ଷେ ଥାଏ  ଅସୀମ ଭଣ୍ଡାର

 ଔଷଧୀୟ ଗୁଣ ରାଶି

ରୋଗ ର ଆରୋଗ୍ୟ କରି ଦିବ୍ୟ ଭାବ

ଧାରା ସମ୍ଭାର ବରଷି ।

ପ୍ରାଣୀ ଜଗତ ର ଅଶେଷ କଲ୍ୟାଣ

ସାଧୁ ଅଛି ନିତି ନିତି

ତୁଳସୀ ସୁଗନ୍ଧ ଅନୁଭବ କରି

ମନ ପ୍ରାଣ ହୁଏ ଶାନ୍ତ

ପରିବାରେ ଏଇ ବୃକ୍ଷ ଥିଲେ ରହି 

ହୁଏ ବହୁ ମୂଲ୍ୟ ହିତ ।

ଶାନ୍ତି ସଦ୍ଭାବନା ଉଲ୍ଲାସ ବିଭୋର

ପ୍ରାଣେ ପୁଣ୍ୟ ଉଦ୍ଦୀପନା 

ସହିତ ପୁଲକ ସରଜେ ଏହି ତ

ଦେହେ ଫୁର୍ତ୍ତି ଉନ୍ମାଦନା ।

ପ୍ରଦାନ କରଇ ତୁଳସୀ ବୃକ୍ଷ ହିଁ 

ଜୀବନ କରେ ପବିତ୍ର 

ଆଧ୍ୟାତ୍ମିକ ପରିବେଶର ପୁଷ୍ଟି ସେ 

ଯୋଗାଏ ପ୍ରାଣେ ତୁରିତ ।

ଯେତେ ବର୍ଣ୍ଣିଲେ ବି ସରିବ ନାହିଁ ଯେ

ଏ କ୍ଷୁଦ୍ର ବୃକ୍ଷ ମହିମା

କାହିଁ କେଉଁ କାଳୁ ଚିର ବନ୍ଦିତା ଏ

ହୁଏ ସାନ୍ଧ୍ୟ ଉପାସନା ।

ବିଧି ମତେ କରି ଉତ୍କଳ ଲଳନା

ଲଭନ୍ତି ଅଶେଷ ପୁଣ୍ୟ

ଆଶିଷ ରେ ତାଙ୍କ ପୂର୍ଣ୍ଣ ହୁଏ ବୋଲି

ନର ନାରୀ ମନ ସ୍କାମ ।

ବନ୍ଦା ପନା କରି ଭକ୍ତି ପୂତ ଭାବେ

ତ୍ରିସନ୍ଧ୍ୟା କାଳ ରେ ଜନେ

ସନ୍ଧ୍ୟା ସ୍ତୁତି ଗାନ ଓ ଶଙ୍ଖ ବାଦନ

କରନ୍ତି ଶୁଭ - ସୁକ୍ଷଣେ ।