ଦେବା ଥିବା

            ଦାନ କିଛି ଦେବା ଦୁଃଖୀଲୋକକୁ

                        ସେ ପାତିଛି ହାତ

            ସାହସଟି ଦେବା ନାଉରିଆକୁ

                         ସେ ଧରିଛି କାତ ।

            ପାଣି ଆଣି ଦେବା ଗଛମୂଳକୁ

                       ସେ ଦେଉଛି ଛାଇ

            ରଖିଥିବା ସଦା ପାଶେ ତାହାକୁ

                       ସେ ହୋଇଛି ଭାଇ ।

           ଘାସ ବିଡ଼ା ଦେବା ଗାଈ ମୁହଁକୁ

                      ସେ ଦେଉଛି କ୍ଷୀର

           ସଫା ରଖିଥିବା ନଈ ଦେହକୁ

                      ସେ ଦେଉଛି ନୀର ।

           ସଲାମ କରିବା ସଇନିକକୁ

                      ସେ ଜଗୁଛି ଦେଶ

           ଆରମ୍ଭ କରିବା କାମ ଗୋଟିକୁ

                      ସେ ଚାହୁଁଛି ଶେଷ ।

           କାନ ଡେରି ଥିବା ସୁର,ତାଳକୁ

                     ସେ ଗାଉଛି ଗୀତ

           ଆଦର କରିବା ମଣିଷଟିକୁ

                      ସେ ବସିଛି ମିତ ।

           ଥିବା ତା' ସହିତ ସୁଖ ଦୁଃଖକୁ

                   ସେ ଖୋଜୁଛି ସାହା

           ବାପା, ଅଜା,ଭାଇ,ଭଉଣୀ ଅବା

                    ସେ ଆମରି ମାଆ  ।