ଡେଇଁ ଡେଇଁ ଗଲା ବୁଣି

ଡେଇଁ ଡେଇଁ ଗଲା ବଣି

ଭାବ ନଥାଇକି ଶବ୍ଦ ଯୋଡୁଥିଲେ

ମନ ହେବନାହିଁ ଟାଣି

କେଏଁ କେଏଁ ହେଲା କୁତା

ଦେହ ସହୁନାହିଁ ଅଲାଜୁକଙ୍କର

ଖୋଲିଦେଲେ ଗୁପ୍ତ ଖାତା

ଗର ଗର ହନୁ ବୁଢ଼ା

ଖାତା ଖତିଆନ କିଛି ପଛେ ନାହିଁ

ସରଗକୁ ଇଛା ଚଢା

ଫଅଁ ଫଅଁ ନାଗ ସାପ

ଧଣ୍ଡ ତୁଛା ଏଠି ଭଣ୍ଡ ଫଣା ଟେକି

ଦେଖାଉଛି ମାୟା ରୂପ

କୁଟୁ କୁଟୁ ଗାତ ମୂଷା

ଅନ୍ଧାରକଣାକୁ ରାତିଟା ଅନ୍ଧାର

ପଡିଗଲା ଘୋର ଦଶା

ଫକ ଫକ କାଠ ବେଙ୍ଗ

କୁଜି ଟାଉଟର କାନ ପାତିଥିବେ

ଭାଙ୍ଗିବାକୁ ଭଲ ସାଙ୍ଗ

ଚଅଁ ଚଅଁ ନାଲି ଟିଙ୍କ

ପର ରକତକୁ ସୁଆଦିଆ ମଣି

ମରଣକୁ କେବେ ରଙ୍କ