ଲାଇବ୍ରେରୀ
ପ୍ରୋଫାଇଲ୍
"ଦାସ।"
"ଦାସ।"
1 min
397
ଅଜାମ୍ବିଳ ପାପୀ ପୁତ୍ରକୁ ଡାକିଲା
ବଇକୁଣ୍ଠେ ତାକୁ ନେଲ
ଭକ୍ତ ପ୍ରହଲ୍ଲାଦ ନିରତେ ଭଜିଲା
ଇନ୍ଦ୍ରପଦ ତାକୁ ଦେଲ
ହାତୀ, ହରିଣୀର ଡାକ କର୍ଣଡେରି
ଶୁଣିଲ ଜଗତ ସାଇଁ
ଲକ୍ଷେ ଯୋଜନରୁ ଆତୁରେ ମୁଁ ଡାକେ
ମୋ' ଡାକ କି ଶୁଭୁନାହିଁ
ଦାତାପଣେ ତୁମ ବାନା ଉଡୁଅଛି
ଅକିଞ୍ଚନେ ଦୟାରଖ,
କେ କି ଦେଲା, ମୁଁ ଯେ ଅସମର୍ଥ ହେଲି
ବିମୁଖ ହେ ଶିରିମୁଖ
କରୁଣା ବାରିରୁ ବିନ୍ଦୁ ଟିଏ ଦିଅ
ଏ ଅଧମ ତୁମ ଦାସ,
ଜୟ ଜଗନ୍ନାଥ ଜୟ ଜଗନ୍ନାଥ
ଡାକି ଜୀବ ହେଉ ଶେଷ
