ଦାଦା

ଦାଦା, ଏବେ ମଧ୍ୟ ଆପଣଙ୍କ ସ୍ବର ଧ୍ୱନି

         ଗୁଞ୍ଜରିତ ହୋଇଥାଏ ସ୍ମୃତିରେ

     ଯେତେଦୂରେ ଥିଲେ ମଧ୍ୟ ସର୍ବଦା ବିରାଜିତ

         ସଭିଙ୍କ ହୃଦୟ ଓ ମାନସପଟରେ ।। 

     କାହିଁକି ଆସିଥିଲା ଏହି ଅଶୁଭ ଦିନ

          ଜୀବନେ ଆମର ହୋଇ କାଳବେଳ

     ଛଡାଇ ନେଲା ଏକ ପବିତ୍ର ଆତ୍ମାକୁ

           ସ୍ମୃତିରେ ପିନ୍ଧାଉଛୁ ଫୋଟୋରେ ମାଳ ।। 

      ନିତୁ,ଗୁଡୁ ଓ ଓମ ଡାକର ମଧୁରତା

            ପାନ ଜକା ପାଟିର ଅସ୍ପଷ୍ଟ ଉଚ୍ଚାରଣ

      ସେ ସ୍ନେହବୋଳା ସ୍ପର୍ଶ ଓ ଚାହାଣୀ

            ପିଲାଙ୍କ ଦୁଷ୍ଟାମୀର ସବୁ ନିବାରଣ  ।। 

      ଆମ ଗହଣରୁ ଦୂର ହୋଇଯିବା

            ଅଟେ ଏକ ଦୁଃଖଦ କାହାଣୀ

      ଆପଣ ଚାଲିଯିବା ସହିତ ଲିଭିଗଲା

            ସେ ପ୍ରିୟ ଡାକ ବୋହୂ ରାଣୀ ।।