ଦ୍ୱନ୍ଦ .., ଜୀବନର ଦୋ' ଛକିରେ
ଦ୍ୱନ୍ଦ .., ଜୀବନର ଦୋ' ଛକିରେ
![](https://cdn.storymirror.com/static/1pximage.jpeg)
![](https://cdn.storymirror.com/static/1pximage.jpeg)
ଜୀବନ ଚାଲୁଥାଏ ଆଗକୁ
ଉଠାଣି,ଗଡାଣି,କୋମଳ, ବନ୍ଧୁର ପଥ ଦେଇ
ହାରିବା,ହରେଇବା,ହସିବା,କାନ୍ଦିବାଭିତରେ
ତା ବାଟରେ ଚାଲିଥାଏ ଜୀବନ ॥
ଜୀବନ ଜିଇଁବା ତ ଏତେ ସହଜ ବି ନୁହେଁ ..
ଏକ ନିର୍ଦ୍ଧିଷ୍ଟ ସରଳ ପଥଟିଏ କ'ଣ ଭାଗ୍ୟରେ ଥାଏ ସମସ୍ତଙ୍କର
ବେଳେବେଳେ ସୁଗମ ପଥରେ ଦୋ'ଛକି ଟିଏ ରହିଥାଏ,
ମନ ରେ ଦ୍ବନ୍ଦ ସୃଷ୍ଟି କରେ,
ଜୀବନର ସୁଗମ ରାସ୍ତା ବାଛିବାକୁ ॥
ଲମ୍ବିଥାତଏ ଦୋ'ଛକିର ଦୁଇପଟେ ଦୁଇଟି ରାସ୍ତା ॥
ଗୋଟିଏ ଭୁଲ୍,ଅନ୍ୟ ଟି ଠିକ୍,ଗୋଟିଏ ପାପ,ଆରଟି ପୂଣ୍ୟ
ଗୋଟିଏ ଜୀବନ,ଅନ୍ୟଟି ମରଣ....
ପରିଣାମ କଥା ଚିନ୍ତା ନ କରି
ଭୁଲ୍ ପଥରେ ପାଦ ଥାପି ମରଣକୁ ବରଣ କରନ୍ତି କେତେଜଣ.
ପୁଣି ...
ଆଉ କେତେଜଣ ...
ସତ୍ୟ, ଧର୍ମର ରାସ୍ତାରେ ଚାଲି ପାଲଟି ଯାଆନ୍ତି ମହାପୁରୁଷ ॥
ଯାହାଙ୍କ ପଥରେ କୁସୁମ ବୃଷ୍ଟି କରନ୍ତି ଦେବତାଏ ॥
ଏହି ସତ୍ ପଥ ଚୟନାର୍ଥେ..
ଉପଯୁକ୍ତ ଞାନ, ଧୀଶକ୍ତି , ଉଜ୍ଜିବିତ କରିବାକୁ ପଡିବ ,
ପରବର୍ତ୍ତି ପିଢୀକୁ ପାଶ୍ଚାତ୍ୟ ସ୍ରୋତରେ ନ ଭସାଇ
ଭାରତୀୟ ସଂସ୍କାରଭିମୁଖି କରିବାକୁ ପଡିବ ॥
ଯେପରି ..
ଭବିଷ୍ୟତ ରେ...
ଆଗାମୀ ପିଢି ଦ୍ୱନ୍ଦ ରେ ପଡିବେନି ...
ଜୀବନର ଦୋ'ଛକି ରେ ...
ସହଜରେ ବାଛିନେବେ ସତ୍ୟ, ଶିବ,ସୁନ୍ଦରର ପଥ ॥