ଦ୍ୱିତୀୟ ଈଶ୍ବର: ଡାକ୍ତର

ଦେବ ଧନ୍ୱନ୍ତରୀ ବରଦାନ ଆୟୁର୍ବେଦ

ଚରକ ଶୁଶୃତ କଲେ ଚିକିତ୍ସା ଉଦ୍ଭବ ।

ବିଶ୍ୱ ପିତାଙ୍କର ଦାନ ଆମ ଏ ଜୀବନ

ଦ୍ୱିତୀୟ ଈଶ୍ବର ଚିକିତ୍ସକ ଆମ ଘେନ ।

ଡାକ୍ତର ସେବାକାରିଣି ପାରା ମେଡିକାଲ

ସଭିଙ୍କ ମାନ୍ୟତା ସେହି ଦ୍ୱିତୀୟ ଈଶ୍ବର ।

ନିଜସ୍ୱ ଜୀବନ ତାଙ୍କ ସେବା ସମର୍ପିତ

ବ୍ୟକ୍ତିଗତ ସୁଖ ସେବା ଭାବେ ପରିଣତ ।

ବିଶ୍ୱ ଆଜି ଭୂତାଣୁର ନିଷ୍ଠୁର କବଳେ

କଷଣ ବହନ କରି ଚିକିତ୍ସକ ଦଳେ ।

ରାତି ଦିନ ଏକ କରି ଦାୟିତ୍ୱ ବହନ୍ତି

ନିଜ ଜୀବନ ବିପଦେ ଜାଣି ନ ଜାଣନ୍ତି ।

କଥା ଅଛି ଈଶ୍ବର ରୋଗ ଭଲ କରନ୍ତି 

ଡାକ୍ତର ମିଛରେ ଖାଲି ନାଆଁ ଅରଜନ୍ତି। 

ସେଇ ଈଶ୍ବର ତ ସ୍ୱୟଂ ଡାକ୍ତର ରୂପରେ

ରୋଗୀ ଚିକିତ୍ସା ଦାୟିତ୍ୱ ନିଅନ୍ତି ସଂସାରେ । 

ଲକ୍ଷ୍ମଣଙ୍କ ଶକ୍ତିଭେଦେ ଚିକିତ୍ସା ନିମିତ୍ତ

ଲଙ୍କାରେ ବୈଦ୍ୟ ଶୁଷେଣ ଆସିଲେ ଉଷତ ।

ବିଶ୍ୱ ଯୁଦ୍ଧେ ସୈନିକଙ୍କୁ ଦେଶ ନିର୍ବିଶେଷ

ରେଡକ୍ରସ ଯୋଗଇଲା ସେବା ସବିଶେଷ ।

ଡଃ ବିଧାନ ଚନ୍ଦ୍ର ବୋଷ ମହାତମା ଜନ୍ମ ଦିନ

ଜୁଲାଇ ପହିଲା ଶ୍ରାଦ୍ଧ ତିଥି ସେହି ଦିନ ।

ଡାକ୍ତରଙ୍କୁ ସମର୍ପିତ କରି ସେହି ଦିନ

ଜାତୀୟ ଡାକ୍ତର ଦିବସ ହେଉଛି ପାଳନ ।

ରୋଗରେ ସଭିଏଁ ଧାଡି ଦେଇ ଚିକିତ୍ସକ

ରୋଗ ଭଲହେଲେ ତାଙ୍କ ଯାଏ ଚିନ୍ତାଦକ ।

ଡାକ୍ତରଙ୍କ ଉପଦେଶ ବେଦ ବାଣୀ କଲେ

ନିରୋଗ ରହିବା ନିଶା ବରଜନ କଲେ ।

ଚିକିତ୍ସକ ବ୍ରତ ଏକ କର୍ତ୍ତବ୍ୟ ନିପୁଣ

ଗୃଧ୍ର ଯଦି ଚିକିତ୍ସକ ଫେରିବ କି ପ୍ରାଣ !

ଚିକିତ୍ସକ ଧରମକୁ ପଣ କରିଦେଲେ

ମରତ ସରଗ ହୁଏ ମହାରୋଗ ଡରେ ।