ଚୟନ

ଅଙ୍କାବଙ୍କା ପଥେ ଜୀବନର ରଥେ

ଚାଲଇ ମରତେ ପ୍ରତି ଚେତନ

କୁସୁମ କେବଳ ତା' ପଥେ ପ୍ରବଳ

ଯିଏ କରିପାରେ ଉଚିତ୍ ଚୟନ ।

ଭୁଲ୍ ପଥେ ଯଦି ତା' ପାଦର ଗତି

ଫେରି ଆସିବାକୁ ବହୁତ କଷ୍ଟ

ହରାଇ ଠିକଣା ଜୀବନେ ଯନ୍ତ୍ରଣା

ଭୋଗି ସମୟଟା ହୁଅଇ ନଷ୍ଟ ।

ପିତାମାତା ଗୁରୁ ହିତୈଷୀ ବାନ୍ଧବ

ଚୟନେ ସଭିଏଁ ଦେଖାଇ ପଥ

କର୍ମବୀର କରି ଗଢ଼ି ତୋଳିଥାନ୍ତି

ଜୀବନରେ ସାଜି ପରମ ମିତ । 

ସୁପରାମର୍ଶ ତୋଳଇ ହରଷ

ଆଗକୁ ବଢ଼ିବା ବାଟ ବତାଇ

ତାହାର ସ୍ବାଗତ ଜୀବନେ ଅମୃତ

ପିଇ ସନ୍ତୋଷରେ ହୃଦ ଭରଇ ।

ମନଟିକୁ ଧୋଇ ଶାନ୍ତି ଗଙ୍ଗାଜଳେ

ପରିତୃପ୍ତି ହସ ମୁଖେ ଫୁଟାଇ

ସୁଭାଗାରେ ତାକୁ କରି ପରିଣତ

ଆଶାତୀତ ସୁଖ ଭରି ଦିଅଇ ।