Library
Profile
ଚଉପଦୀ ଧର୍ମୀୟ-53
ଚଉପଦୀ ଧର୍ମୀୟ-53
1 min
291
ଚଉପଦୀ
ଭାଗ (53)
ରାଗ - ପୁରୀକଲ୍ୟାଣ, ଏକତାଳି
(ଧର୍ମୀୟ ଓ ରାଗାନୁଗା ଭକ୍ତିମୂଳକ)
କାହିଁକି ମା କାହିଁକି ଗୋ,
କାହିଁକି ସେ ଚାହିଁ ରହିଲେ ମୋତେ ଆଜ (0)
ନ ଥିଲି ମୁଁ ଏକା ଜଣେ, ଥିଲା ତ ମୋର ଗହଣେ
ରସ ରୂପବତୀଙ୍କ ସମାଜ (1)
ମୋ ପ୍ରିୟ ସଖୀ ବୋଲାଇ, ପ୍ରିୟ ବଚନେ ଭୁଲାଇ
ଆଚରିଛି କି ଗୋ କିଛି ବ୍ୟାଜ (2)
ମୁଁ ପରାଧିନା ଯୁବତୀ, କୁଳ- ଶୀଳ - ଲାଜବତୀ
ମୁଁ କେ, କେ ସେ ବ୍ରଜ ଯୁବରାଜ (3)
ଜନ ବଦନେ କେ ହାତ, ଦେବ ହେବ ଏଥୁଁ ଖ୍ୟାତ
ପ୍ରୀତି ହେଲା ପରା ଏ ନିଆଜ (4)
ଜଗଦ୍ଦେବ ବୋଲେ ଗୀତେ, ତେତିକି ବେଳରୁ ମୋତେ
ବୁଡାଇ ଦେଉଛି ବଡ ଲାଜ (5)
କବିସୂର୍ଯ୍ୟ ବଳଦେବ ରଥ
