ଚଉପଦୀ(ଧର୍ମୀୟ-34)
ଚଉପଦୀ(ଧର୍ମୀୟ-34)
(ଧର୍ମୀୟ ଓ ରାଗାନୁଗା ଭକ୍ତିମୂଳକ)
ରାଗ – ମରୁଆ, ଏକତାଳି
କଙ୍କେଳିମୂଳ ସଙ୍କେତ ଅତି ପ୍ରତିକୂଳ (ପଦ)
ସଶିଖଣ୍ଡଚୂଳ, ତୁଲେ ପଛେ ଖେଳ, ସାହସେ ମାତ୍ର ପ୍ରବଳ ରେ (1)
ନିଧୁବନ ଲୋଳ-ତୋ ପଦ କମଳ
ବାଜିଲେ ହେବ ସେହି ଖେଳ ରେ (2)
ଅକାଳେ ତା ଡାଳ, ମାନଙ୍କର ଜାଳ
ହେବଟି ସମୁକୁଳ କୁଳରେ (3)
ସେ କ୍ଷଣେ ଗୋକୁଳ-ମଧ୍ୟେ ହେବ ଠୁଳ
ତୋହରି ନାମେ କଳକଳ ରେ (4)
ସହି ମହୀତଳ ଯାକେ ତୋ ପାତଳ
ଲାବଣ୍ୟ ଲବେ କାହିଁ ତୁଳ ରେ (5)
ଅଷ୍ଟଦୁର୍ଗ ପାଳ ଭଣେ ଶୁଣି ନୀଳ-
ବାସିନୀ ହେଲେ ରାଜକୁଳ ରେ (6)